AI-ზე დაფუძნებული აპლიკაციების შემქმნელი პლატფორმა Lovable, რომლის ღირებულებაც 6.6 მილიარდ დოლარად შეფასდა, ახალ შენაძენებს ეძებს. ორშაბათს, startup-ის თანადამფუძნებელმა და CEO-მ, Anton Osika-მ X-ზე განაცხადა, რომ კომპანია ეძებს „უფრო მეტ კარგ გუნდსა და startup-ს Lovable-თან შესაერთებლად“.
„Lovable-ში საკვანძო პოზიციებზე მყოფი ბევრი ადამიანი ჩვენთან შემოერთებამდე თავად იყო დამფუძნებელი“, - წერს ის. „ჩვენ შევქმენით კულტურა, რომელიც დამფუძნებლის ტიპის ადამიანებს შიდა განვითარების, ავტონომიურად მოქმედებისა და ინიციატივების მართვის საშუალებას აძლევს.“ Osika-მ აღნიშნა, რომ ეს შესაძლებლობა საინტერესო პროექტებზე მომუშავე გუნდებს მასშტაბირების საშუალებას მისცემს და დაინტერესებულ მხარეებს M&A-სა და პარტნიორობის ხელმძღვანელთან, Théo Daniellot-თან დაკავშირება ურჩია.
გუნდების ან მცირე კომპანიების შეძენის სურვილი მაშინ ჩნდება, როდესაც Lovable მზარდ კონკურენციას უწევს ისეთ ინსტრუმენტებს, როგორებიცაა Cursor, Replit და Bolt, ასევე თავად AI მოდელების პროგრამირების შესაძლებლობებს. კომპანიის ზრდის მიმართულების ხელმძღვანელის, Elena Verna-ს თქმით, Lovable-ს სწორედ ისეთი დიდი AI ლაბორატორიების კონკურენციის ეშინია, როგორებიცაა OpenAI და Anthropic.
მიუხედავად ამისა, Lovable მნიშვნელოვან ზრდას აჩვენებს. კომპანიის ARR-მა 400 მილიონ დოლარს მიაღწია, რაც წინა პერიოდის 200 მილიონ დოლართან შედარებით ორმაგი ზრდაა. ამჟამად პლატფორმაზე ყოველდღიურად 200,000-ზე მეტი ახალი პროექტი იქმნება. ეს არ იქნება Lovable-ის პირველი M&A გარიგება; ნოემბერში კომპანიამ cloud ინფრასტრუქტურის გუნდის გასაზრდელად cloud პროვაიდერი Molnett შეიძინა.
წყარო: techcrunch.com
