ბიზნესს შეიძლება სჭირდებოდეს ვებსაიტი, რომელიც მის საქმიანობას გამორჩეულად წარმოაჩენს, პლატფორმა, სადაც მომხმარებელი მომსახურებას მიიღებს, ან სისტემა, რომელიც გუნდის ყოველდღიურ მუშაობას გაამარტივებს. თითოეული ასეთი პროექტი იწყება კითხვით: რა უნდა შეძლოს ადამიანმა ამ პროდუქტის დახმარებით?
თბილისში დაფუძნებული Hunkydory Studio ქმნის ვებსაიტებს, ინტერაქტიულ ციფრულ გამოცდილებებსა და სრულფასოვან ვებაპლიკაციებს. სტუდია აერთიანებს დიზაინსა და პროგრამულ დეველოპმენტს, რაც საშუალებას აძლევს, იდეაზე მუშაობიდან მის ტექნიკურ განხორციელებამდე მთელი პროცესი ერთიანად დაგეგმოს.
სტუდიის ნამუშევრებს შორისაა როგორც მარტივი ვებსაიტები, ისე კომპლექსური ვებაპლიკაციები და ინდივიდუალურ საჭიროებებზე მორგებული პროგრამული სისტემები. პროექტის მასშტაბი ამოცანაზეა დამოკიდებული. ზოგჯერ მთავარი ბრენდის სწორად წარმოჩენაა. სხვა შემთხვევაში საჭიროა რთული ფუნქციონალი, დიდი მოცულობის ინფორმაციის ორგანიზება და სხვადასხვა სისტემის ერთმანეთთან დაკავშირება.
ვებსაიტებიდან სრულფასოვან ვებაპლიკაციებამდე
კომპლექსურ პროექტებში პროდუქტი შეიძლება აერთიანებდეს მომხმარებლის პირად ანგარიშს, მართვის პანელს, მონაცემთა ბაზასა და კონკრეტულ სამუშაო პროცესებზე მორგებულ ფუნქციებს.
საჭიროების მიხედვით, აპლიკაციას ემატება გადახდის სისტემები, დაჯავშნა, ძიება, შეტყობინებები, ხელოვნური ინტელექტის შესაძლებლობები და სხვა სერვისებთან ინტეგრაცია.
სტუდიის შესაძლებლობები განსაკუთრებით კარგად ჩანს ისეთ პროექტებში, სადაც მომხმარებელს ბევრი ინფორმაციის გაცნობა და სხვადასხვა ვარიანტის შედარება სჭირდება. მაგალითად, უძრავი ქონების დეველოპერულ პროექტებში ინტერაქტიული 3D ხედები, ბინების ფილტრები და გეგმარებების დათვალიერება მომხმარებელს გადაწყვეტილების მიღებას უადვილებს.
ამ გამოცდილების უკან მნიშვნელოვანი ტექნიკური სამუშაო დგას: მონაცემები დროულად უნდა განახლდეს, მოთხოვნები გაყიდვების გუნდთან მივიდეს, ხოლო ვიზუალურად დატვირთულმა გვერდებმა მობილურ მოწყობილობებზეც სწრაფად იმუშაოს.
როგორ მუშაობს ეს პრაქტიკაში
ეს მიდგომა კარგად ჩანს სტუდიის კონკრეტულ ნამუშევრებში. Unexpected Caucasus-ის ვებსაიტზე მომხმარებელი თავად გეგმავს ტურს: ირჩევს ხანგრძლივობას, ავტომობილებსა და დამატებით მომსახურებებს, ნახულობს სავარაუდო ფასს და მოთხოვნას აგზავნის. შედეგად, კომპანიასთან პირველივე საუბარი კონკრეტული დეტალებით იწყება.
კომპლექსური ვებაპლიკაციის მაგალითია Rivo, რეკრუტინგის პლატფორმა, რომელიც კანდიდატების ძიებასა და შერჩევის პროცესს ერთ სივრცეში აერთიანებს. დამსაქმებელს შეუძლია გამოაქვეყნოს ვაკანსია, მოძებნოს კანდიდატები, შეაფასოს მათი გამოცდილება და მართოს შერჩევის ეტაპები. ხელოვნური ინტელექტი ეხმარება რეზიუმეების პირველად შეფასებასა და ინტერვიუების მომზადებაში, ხოლო კანდიდატების შესახებ ინფორმაცია, გუნდის კომენტარები და პროცესის ისტორია ერთად ინახება. დამსაქმებელი ხედავს, რომელ ეტაპზეა თითოეული კანდიდატი და რა ნაბიჯია შემდეგ გადასადგმელი.
კონკრეტულ საჭიროებაზე მორგებული პროგრამული გადაწყვეტა შეიქმნა ჰონგ-კონგის დესერტების ბრენდ Labelee-სთვის. გახსნის ღონისძიებისთვის Hunkydory-მ ინტერაქტიული კიოსკის ვებაპლიკაცია შექმნა. სტუმრები ადგილზე იღებდნენ ფოტოს, ხელოვნური ინტელექტი კი მათ ბრენდირებულ, სამახსოვრო გამოსახულებას უგენერირებდა. აპლიკაცია ამავდროულად აგროვებდა საკონტაქტო მონაცემებს შემდგომი კომუნიკაციისთვის. ასე იქცა ციფრული პროდუქტი ფიზიკური ღონისძიების ინტერაქტიულ და მარკეტინგულად ღირებულ ნაწილად.
ეს პროექტები Hunkydory-ის შესრულებული სამუშაოების მხოლოდ ნაწილია. მათ უკან დამფუძნებლების უფრო ფართო მიზანი დგას: ქართულ ციფრულ სივრცეში მეტი შესაძლებლობა გაჩნდეს როგორც ბიზნესებისთვის, ისე მათი მომხმარებლებისთვის. კომპანიებს შეეძლოთ, რთული დიზაინერული თუ ტექნიკური იდეები ადგილობრივ გუნდთან ერთად განახორციელონ და ხარისხიანი, გამართული პროდუქტი შექმნან.
წყარო: hunkydory.studio
