შუალედური არჩევნების შემდეგ, სადაც ამომრჩევლებმა მონაცემთა ცენტრების გაფართოების წინააღმდეგ მკაფიო პოზიცია დააფიქსირეს, OpenAI-მ ახალი ვალდებულებები აიღო იმ თემების წინაშე, სადაც კომპანია ინფრასტრუქტურულ პროექტებს ახორციელებს. კერძოდ, კომპანია აცხადებს, რომ საჯარო მოხელეებთან ურთიერთობისას აღარ გამოიყენებს კონფიდენციალურობის შესახებ შეთანხმებებს (NDA).
მონაცემთა ცენტრების მრავალი პროექტი კრიტიკის ქვეშ მოექცა იმის გამო, რომ დეველოპერები და ადგილობრივი ხელისუფლების წარმომადგენლები NDA-ს იყენებდნენ მოლაპარაკებების გასასაიდუმლოებლად. OpenAI-ს განცხადებით, შეზღუდვები მხოლოდ უსაფრთხოების საკითხებს, კომერციულ საიდუმლოებებს ან კონკურენტულად მგრძნობიარე ინფორმაციას შეეხება. მსგავსი ნაბიჯი ოქტომბერში Amazon-მაც გადადგა.
OpenAI-ს დამატებითი ვალდებულებები მოიცავს ელექტროენერგიის სრული ღირებულებისა და საჭირო ინფრასტრუქტურის ხარჯების დაფარვას. კომპანია ასევე გეგმავს ადგილობრივი დასაქმების შესაძლებლობების შესახებ ინფორმაციის საჯაროდ გამოქვეყნებას. ყოველი მომავალი ე.წ. გამოთვლითი კამპუსი (compute campus), რომელსაც კომპანია ფლობს და მართავს, იხელმძღვანელებს ადგილობრივი პრიორიტეტების გათვალისწინებით შედგენილი სპეციალური შეთანხმებებით.
წყარო: theverge.com
