ინდური startup-ი SolarSquare, რომელიც საცხოვრებელ სახლებსა და ბინათმესაკუთრეთა ამხანაგობებს მზის ენერგიაზე გადასვლაში ეხმარება, მოლაპარაკებებს აწარმოებს ახალი კაპიტალის მოსაზიდად. ეს ნაბიჯი მოჰყვება 2024 წლის დეკემბერში მოპოვებულ უმსხვილეს საინვესტიციო რაუნდს ინდოეთის მზის ენერგიის სექტორში.
საკითხთან დაახლოებული წყაროების თანახმად, B Capital და Lightspeed Venture Partners მზად არიან უხელმძღვანელონ Series C რაუნდს. ამ რაუნდის ფარგლებში SolarSquare-ის შეფასებამ შესაძლოა $450-დან $500 მილიონ დოლარამდე მიაღწიოს და კომპანიამ $55-$60 მილიონი ახალი ინვესტიცია მოიზიდოს. ეს 18 თვეში კომპანიის ღირებულების გაორმაგებაზე მეტს ნიშნავს, რაც ინდოეთის საცხოვრებელი სახლების მზის ენერგიის ბაზრის მიმართ ინვესტორების მზარდ ნდობაზე მიუთითებს.
ამ გარიგებაში ასევე მოსალოდნელია არსებული ინვესტორის, Elevation Capital-ის მონაწილეობაც. Tracxn-ის მონაცემებით, SolarSquare-ს დღემდე $61.1 მილიონი აქვს მოზიდული.
ინდოეთის მიზანია 2030 წლისთვის 500 გიგავატი განახლებადი ენერგიის სიმძლავრეს მიაღწიოს, საიდანაც ნახევარზე მეტი მზის ენერგიაზე უნდა მოდიოდეს. ქვეყანა მზის ენერგიის მესამე უმსხვილესი მწარმოებელი გახდა მსოფლიოში 2025 წლისთვის, ჩინეთისა და აშშ-ის შემდეგ.
მუმბაიში დაფუძნებული SolarSquare, რომელიც 2015 წელს დაარსდა, პოზიციონირებს როგორც სრული ციკლის საცხოვრებელი მზის პლატფორმა საკმაოდ ფრაგმენტირებულ ბაზარზე. startup-ი აპროექტებს, ამონტაჟებს და უზრუნველყოფს მზის სისტემების ტექნიკურ მომსახურებას. კომპანიის წლიურმა შემოსავალმა (revenue run rate) $104 მილიონს გადააჭარბა, ხოლო მიმდინარე წელს მისი მიზანი საცხოვრებელ პორტფელში 200 მეგავატი სიმძლავრის მიღწევაა.
წყარო: techcrunch.com
