ფეშენ-სტარტაპმა Atorie-მ 9.5 მილიონი დოლარის ოდენობის საწყისი (seed) რაუნდი დახურა. ინვესტორებს შორის არიან a16z speedrun, Night Capital და Lightspeed Ventures-ის პარტნიორი ჯერემი ლიუ. კომპანია მომხმარებლებს სთავაზობს ფუფუნების საგნებს — ჩანთებსა და ტანსაცმელს — რომლებიც იმავე ქარხნებში და იმავე მასალებით იწარმოება, რასაც ცნობილი ლუქს-ბრენდები იყენებენ, თუმცა გაცილებით ხელმისაწვდომ ფასად.
სტარტაპის თანადამფუძნებელი რედუან რამდანი, რომელმაც მანამდე პლატფორმა Snipfeed შექმნა და წარმატებით გაყიდა, აღნიშნავს, რომ Atorie არ არის „fast fashion“-ის წარმომადგენელი. მისი თქმით, ბიზნესმოდელი ეფუძნება ქარხნების შესაძლებლობებს, თავად განავითარონ დიზაინი და აწარმოონ მცირე პარტიები, რაც ამცირებს ზედმეტ წარმოებას.
Atorie აქტიურად იყენებს AI-ს ტექნოლოგიებს: ხელოვნური ინტელექტი აანალიზებს ტენდენციებს, პროგნოზირებს მოთხოვნას და ეხმარება ქარხნებს რესურსების ოპტიმიზაციაში. მომხმარებლებისთვის პლატფორმაზე ხელმისაწვდომია AI-აგენტი, რომელიც ინდივიდუალურ სტილზე მორგებულ რეკომენდაციებს გასცემს.
კომპანია სწრაფ ზრდას აჩვენებს: გასული წლის ბოლოს გაყიდვებმა 5 მილიონი დოლარი შეადგინა, წელს კი წლიური ბრუნვის 55 მილიონ დოლარამდე გაზრდას ვარაუდობენ. მოზიდული კაპიტალი მოხმარდება ლოჯისტიკის გაუმჯობესებას, ახალი AI-ინსტრუმენტების შექმნას და წარმოების მასშტაბირებას.
წყარო: techcrunch.com
