Google-მა ახალი კონფიდენციალურობის პარამეტრები დანერგა, რომელიც მომხმარებლის საძიებო ისტორიასა და ატვირთულ მედია ფაილებს AI მოდელების გასაუმჯობესებლად იყენებს. ეს ცვლილება ავტომატურად აქტიურდება, რაც ნიშნავს, რომ თქვენი ფოტოები, ხმოვანი ჩანაწერები და სხვა მონაცემები შესაძლოა Google-ის ხელოვნური ინტელექტის წვრთნისთვის გამოიყენონ.
როგორ გავაუქმოთ ფუნქცია:
- გადადით Google-ის My Activity გვერდზე.
- აირჩიეთ Search Services History ჩანართი.
- გამორთეთ პარამეტრი და დარწმუნდით, რომ მონიშვნა Save media მოხსნილია.
მნიშვნელოვანია იცოდეთ, რომ თუ თქვენი მონაცემები უკვე გამოყენებულია AI-ს წვრთნისთვის, მათი წაშლა ორიგინალი აქტივობის წაშლის შემდეგაც კი რთულია, რადგან Google მათ 4 წლამდე ინახავს. ექსპერტები აღნიშნავენ, რომ მსგავსი „opt-out“ მოდელები მომხმარებელს დამატებით ტვირთს აკისრებს და კონფიდენციალურობის დაცვის პროცესს ართულებს.
Google-ის წარმომადგენლების თქმით, ეს ცვლილება მომხმარებლებს უფრო რელევანტური შედეგების მიღებაში ეხმარება, თუმცა მონაცემთა დაცვის აქტივისტები მიიჩნევენ, რომ კომპანიებმა „opt-in“ პრინციპი უნდა გამოიყენონ, სადაც მომხმარებელი თავად გადაწყვეტს, სურს თუ არა საკუთარი მონაცემების AI-სთვის გაზიარება.
წყარო: wired.com
