Nvidia წლების განმავლობაში AI ჩიპების ბაზრის ერთპიროვნული ლიდერი იყო, თუმცა ეს ეპოქა შესაძლოა დასასრულს უახლოვდებოდეს. OpenAI-მ ოფიციალურად დააანონსა საკუთარი ინფერენს-ჩიპის, Jalapeño-ს შექმნის გეგმები, რომელსაც კომპანია Broadcom-თან თანამშრომლობით ავითარებს. ამით OpenAI შეუერთდა Google-ის, Apple-ისა და SpaceX-ის მზარდ სიას, რომლებიც ცდილობენ თავი დააღწიონ ერთ მომწოდებელზე დამოკიდებულების რისკებს.
ტექნოლოგიური გიგანტების მიზანი სრული იზოლაცია კი არა, არამედ რისკების დივერსიფიკაციაა. საკუთარი ჩიპების წარმოება კომპანიებს აძლევს მეტ კონტროლს, აპარატურის კონკრეტულ საჭიროებებზე მორგების შესაძლებლობას და იმ მასშტაბურ ეფექტურობას, რომელიც Apple-მა Intel-ზე უარის თქმის შემდეგ მიიღო.
ეს ტენდენცია ინდუსტრიისთვის ფუნდამენტურ ცვლილებებს ნიშნავს. ტექნოლოგიური კომპანიები აღარ კმაყოფილდებიან სტანდარტული გადაწყვეტილებებით და გადადიან ვერტიკალური ინტეგრაციის მოდელზე, რაც ბაზარზე კონკურენციას კიდევ უფრო გაამძაფრებს.
წყარო: techcrunch.com
