რაიან ბრესლოუ, Bolt-ის თანადამფუძნებელი და ამჟამინდელი CEO, კომპანიის გადარჩენისთვის ბრძოლას აგრძელებს. მას შემდეგ, რაც სტარტაპის საბაზრო ღირებულება 11 მილიარდი დოლარიდან 300 მილიონამდე შემცირდა, ბრესლოუ 27 მილიონ დოლარამდე მოცულობის ე.წ. „bridge“ დაფინანსების მოზიდვას ცდილობს.
ახალი ფინანსური ინსტრუმენტი „pay-to-play“ პირობას შეიცავს, რაც ნიშნავს, რომ ინვესტორები, რომლებიც კაპიტალის შევსებაში მონაწილეობას არ მიიღებენ, საკუთარი წილის მნიშვნელოვან ნაწილს დაკარგავენ. ბრესლოუ პირადად 5 მილიონი დოლარით მონაწილეობს რაუნდში, რითაც კომპანიის მომავლისადმი საკუთარ რწმენას უსვამს ხაზს.
კომპანია, რომელმაც პერსონალის რაოდენობა 900-დან 60-მდე შეამცირა, ამჟამად AI ტექნოლოგიების გამოყენებით ოპერაციული ეფექტურობის გაზრდას ცდილობს. ბრესლოუს თქმით, ხელოვნური ინტელექტი გუნდს საშუალებას აძლევს, 10-ჯერ უფრო სწრაფად იმუშაოს. მიუხედავად წარსული იურიდიული დავებისა და წარუმატებელი საინვესტიციო რაუნდებისა, ბრესლოუ დარწმუნებულია, რომ Bolt-ს შეუძლია Stripe-ის მთავარი კონკურენტი გახდეს და ბაზარზე საკუთარი პოზიციები დაიბრუნოს.
წყარო: techcrunch.com
