Snap-მა მიიღო გადაწყვეტილება, თავისი შიდა გენერაციული AI ვიდეო გუნდი დამოუკიდებელ კომპანიად ჩამოაყალიბოს. ახალი სტარტაპი, სახელწოდებით Dotmo, ფოკუსირებული იქნება ისეთი AI მოდელების შექმნაზე, რომლებიც ინტერაქტიულ სათამაშო გამოცდილებას უზრუნველყოფს.
Snap-ის განცხადებით, ამ ნაბიჯის მთავარი მიზეზი შიდა რესურსებით მსგავსი მაღალტექნოლოგიური პროექტების განვითარებასთან დაკავშირებული მაღალი ხარჯებია. მიუხედავად იმისა, რომ Dotmo დამოუკიდებელი სუბიექტია, ის შეინარჩუნებს მჭიდრო კავშირს Snap-თან. კერძოდ, Snap-ი ახალ კომპანიას გადასცემს ლიცენზიას, რათა მათ საკუთარი ტექნოლოგიები სათამაშო და ინტერაქტიული გასართობი პლატფორმებისთვის მოარგონ.
აღსანიშნავია, რომ Dotmo-ს გუნდი Snap-ის ყოფილი თანამშრომლებისგან დაკომპლექტდება. კომპანიის მთავარი ინვესტორი Snap-ის CTO, ბობი მერფი იქნება, რომელიც პირად წილს ფლობს ახალ საწარმოში, თუმცა ის Snap-ში თავის პოზიციას სრულად შეინარჩუნებს. თავის მხრივ, Snap-ი Dotmo-ში მნიშვნელოვან სააქციო წილს მიიღებს, რაც კომპანიას საშუალებას მისცემს, მომავალში წარმატების შემთხვევაში ფინანსური სარგებელი მიიღოს.
ეს Snap-ის მიერ წელს განხორციელებული მეორე მსხვილი სპინ-ოფია. კომპანიამ მანამდე Specs-ის მიმართულებაც გამოყო, რომელიც ჭკვიანი სათვალეების განვითარებაზეა ორიენტირებული. ექსპერტების აზრით, მსგავსი სტრატეგია Snap-ს ეხმარება შეამციროს ფინანსური ტვირთი AI ინიციატივების კუთხით, ამავდროულად კი შეინარჩუნოს წვდომა ინოვაციურ ტექნოლოგიებზე.
წყარო: techcrunch.com
