AI ვიდეოგენერაციის startup Runway ტიპური სილიკონის ველის ისტორიით არ დაწყებულა. მის სამ დამფუძნებელს — ორ ჩილელ და ერთ ბერძენ სტუდენტს, რომლებიც NYU-ს ხელოვნების სკოლაში შეხვდნენ — არც Google-ში მუშაობის გამოცდილება ჰქონიათ და არც გიგანტური seed რაუნდით დაუწყიათ. თუმცა, დღეს ის ერთ-ერთი ყველაზე მნიშვნელოვანი AI კომპანიაა.
წლების განმავლობაში ინდუსტრია ფიქრობდა, რომ ხელოვნური ინტელექტი ენაშია — რასაც OpenAI-ს ChatGPT და მსგავსი მოდელები მოწმობს. მაგრამ Runway განსხვავებულ ფსონს დებს: შემდეგი თაობის AI ტექსტზე კი არა, ვიდეოებსა და „სამყაროს მოდელებზე“ (world models) აშენდება, რომლებიც შეისწავლიან, თუ როგორ მუშაობს რეალური სამყარო ფიზიკურად და არა მხოლოდ ის, თუ როგორ აღწერენ მას ადამიანები.
ვიდეოებიდან სამყაროს მოდელირებამდე
2018 წელს დაარსებულმა კომპანიამ სახელი AI ვიდეოგენერაციის ინსტრუმენტებით გაითქვა. დღეს მის ტექნოლოგიას უკვე ჰოლივუდშიც იყენებენ (მაგალითად, ფილმში „Everything Everywhere All At Once“). შედეგად, Runway $5.3 მილიარდადაა შეფასებული და $40 მილიონის ARR (წლიური განმეორებადი შემოსავალი) აქვს.
თანადამფუძნებელი Anastasis Germanidis მიიჩნევს, რომ თუ Runway-ს ხედვა გაამართლებს, ამ ტექნოლოგიას ფარმაცევტიკიდან დაწყებული, რობოტიკით დამთავრებული, ყველგან გამოიყენებენ. „ენობრივი მოდელები ინტერნეტში არსებულ ტექსტებზე სწავლობენ, რაც მხოლოდ ადამიანური ცოდნის რეზიუმეა. ჩვენი მიზანია შევქმნათ სამყაროს ციფრული ტყუპი, სადაც მეცნიერები ექსპერიმენტებს ნებისმიერ ლაბორატორიაზე სწრაფად ჩაატარებენ“, - აღნიშნავს ის.
კონკურენცია ტექნოლოგიურ გიგანტებთან
Runway ახლა მნიშვნელოვანი გამოწვევის წინაშეა — მას დაუპირისპირდნენ ისეთი გიგანტები, როგორიცაა Google (თავისი Veo და Genie მოდელებით) და სტარტაპი Luma AI. Runway-ს ჯამში $860 მილიონი აქვს მოზიდული NVIDIA-ს და სხვა venture capital პარტნიორებისგან, რაც საგრძნობლად ჩამოუვარდება OpenAI-სა და Google-ის უსაზღვრო რესურსებს.
მიუხედავად ამისა, თანა-CEO Cristóbal Valenzuela თვლის, რომ სილიკონის ველის შაბლონების მიღმა ყოფნა მათი მთავარი უპირატესობაა. „ამბობენ, რომ სტარტაპები მხოლოდ სილიკონის ველზე უნდა იყვნენ. ეს წესები უბრალოდ ვიღაცის გამოგონილია. ჩვენ შეგვიძლია ეს სტერეოტიპები დავამსხვრიოთ და ყველაფერი თავიდან დავიწყოთ“, - ამბობს ის. კომპანიის სწრაფი ტემპი და მოქნილობა სწორედ ის იარაღია, რითაც Runway AI რევოლუციის წინა ხაზზე პოზიციების შენარჩუნებას გეგმავს.
წყარო: techcrunch.com
