AI ჩიპების მწარმოებელი სტარტაპი Etched, რომელმაც სულ რამდენიმე თვის წინ 21 მილიარდი დოლარის შეფასებით 700 მილიონი დოლარი მოიზიდა, უკვე ახალი საინვესტიციო შეთავაზებების მოლოდინშია. წყაროების ცნობით, კომპანიის საბაზრო ღირებულებამ შესაძლოა 40-დან 50 მილიარდ დოლარამდე მიაღწიოს.
Etched-ის მიმართ ინვესტორების მაღალი ინტერესი განპირობებულია მისი ამბიციით, კონკურენცია გაუწიოს Nvidia-ს. სტარტაპი ავითარებს საკუთარ AI აპარატურულ სისტემებს, რომლებიც სპეციალურად ინფერენსის (inference) პროცესის დასაჩქარებლად არის შექმნილი. კომპანიის განცხადებით, მათი ჩიპები მონაცემთა დამუშავებას უფრო სწრაფად და დაბალ ფასად ახორციელებს, ვიდრე Nvidia-ს ანალოგები.
კომპანიის წარმატების ერთ-ერთი მთავარი დასტურია Jane Street-ის მხარდაჭერა, რომელიც არა მხოლოდ ინვესტორი, არამედ Etched-ის პირველი სისტემების მომხმარებელიცაა. ივლისის მონაცემებით, სტარტაპს უკვე ჰქონდა 1 მილიარდი დოლარის ღირებულების შეკვეთები მიღებული. გარდა ამისა, Etched-მა მოახერხა Nvidia-ს მაღალკვალიფიციური ინჟინრების გუნდის მოზიდვა, რაც მისი ტექნოლოგიური პოტენციალის კიდევ ერთი ინდიკატორია.
Etched-ის დამფუძნებლები, Gavin Uberti და Chris Zhu, კომპანიას ჰარვარდის უნივერსიტეტის პერიოდიდან ავითარებენ. სტარტაპი აქტიურად აფართოებს ინფრასტრუქტურას, მათ შორის სილიკონის ველში 10-მეგავატიანი მონაცემთა ცენტრის გახსნითა და ტაივანში TSMC-სთან საწარმოო კოორდინაციის დამყარებით. თუ ახალი რაუნდი წარმატებით დასრულდება, კომპანია უზრუნველყოფს ფინანსურ სტაბილურობას მომდევნო 3.5 წლის განმავლობაში.
წყარო: techcrunch.com
