ევროპული სამხედრო დრონების ხუთი წლის სტარტაპი Helsing-ი $18-მილიარდიანი შეფასებით ახალი, 1.2 მილიარდი დოლარის ინვესტიციის მოზიდვას უახლოვდება. Financial Times-ის ცნობით, რაუნდს Dragoneer უხელმძღვანელებს, ხოლო თანახელმძღვანელი Helsing-ის არსებული ინვესტორი Lightspeed იქნება.
Helsing-მა ინვესტიცია ბოლოს თითქმის ერთი წლის წინ, 2025 წლის ივნისში მოიზიდა, რომელსაც სათავეში Spotify-ის მილიარდერი დამფუძნებელი Daniel Ek-ი ედგა. ეს იყო €600-მილიონიანი ინვესტიცია დაახლოებით €12-მილიარდიანი ($14 მილიარდი) შეფასებით. შესაბამისად, ახალი რაუნდი მნიშვნელოვანი წინგადადგმული ნაბიჯია.
მიუხედავად იმისა, რომ Helsing-ი ერთადერთი ევროპული თავდაცვის ტექნოლოგიების unicorn-ი არ არის, ინვესტორების აზრით, ის ყველაზე ღირებულია. მაგალითად, გერმანულმა დრონების მწარმოებელმა Quantum Systems-მა ნოემბერში €180 მილიონი მოიზიდა, რითაც მისი შეფასება €3 მილიარდს გადასცდა. ერთი წლის წინ კი, ლისაბონში დაფუძნებულმა Tekever-მა £400 მილიონი მოიზიდა £1-მილიარდიანი შეფასებით. უკრაინაში რუსეთის მიმდინარე ომის ფონზე, რომელიც ახალი ტექნოლოგიების გამოცდის პოლიგონია, ავტონომიური თავდაცვის სტარტაპები VC-ებისთვის ძალიან მოთხოვნად მიმართულებად იქცა.
წყარო: techcrunch.com
