Android-ის აპლიკაციების კონკურენტი მაღაზიები ოფიციალურად ბრუნდებიან Google Play-ზე აშშ-ში. პორტუგალიური კომპანია Aptoide გახდა პირველი, რომელმაც ათწლიანი პაუზის შემდეგ, Google-ის პოლიტიკის ცვლილების შედეგად, საკუთარი სათამაშო პლატფორმა Google Play-ს ეკოსისტემაში დააბრუნა.
ეს გადაწყვეტილება მნიშვნელოვანი ეტაპია აპლიკაციების ბაზრის ლიბერალიზაციის პროცესში. აქამდე Aptoide-ის ინსტალაცია მხოლოდ გვერდითი ჩატვირთვის (sideloading) გზით იყო შესაძლებელი, რაც ზღუდავდა მის წვდომას აშშ-ის ბაზარზე, რომელიც კომპანიისთვის ყველაზე მსხვილია. Aptoide ამჟამად 40 000-ზე მეტ აპლიკაციას სთავაზობს 25 მილიონამდე აქტიურ მომხმარებელს.
ცვლილება განპირობებულია მოსამართლე ჯეიმს დონატოს გადაწყვეტილებით Epic Games-ის გახმაურებულ სასამართლო დავაში. სასამართლომ Google-ს დაავალდებულა, დაუშვას მესამე მხარის აპლიკაციების მაღაზიების ფუნქციონირება. 2026 წლის 22 ივნისიდან Google-მა გაუშვა Play Catalog Access Program, რომელიც კონკურენტებს საშუალებას აძლევს, ისარგებლონ Google Play-ს ინფრასტრუქტურით და კატალოგით, დამოუკიდებელი სტატუსის შენარჩუნებით.
შეგახსენებთ, რომ Epic Games-მა Google-ს 2020 წელს უჩივლა ანტიკონკურენტული ქმედებების გამო. 2023 წელს ნაფიც მსაჯულთა სასამართლომ Epic-ის სასარგებლოდ მიიღო გადაწყვეტილება, რამაც Google აიძულა, შეემცირებინა საკომისიოები და გაემარტივებინა ალტერნატიული მაღაზიების ინსტალაციის პროცესი.
წყარო: techcrunch.com
