Amazon-მა საკუთარი აპარატურული მოწყობილობების ფასები მნიშვნელოვნად, ზოგიერთ შემთხვევაში 60%-მდე გაზარდა. ფასების ზრდა შეეხო Fire TV-ს, Echo-ს, Kindle-სა და Eero-ს ხაზებს. ყველაზე თვალსაჩინო მაგალითია Echo Dot, რომლის ღირებულებაც 49.99 დოლარიდან 79.99 დოლარამდე გაიზარდა.
TechCrunch-თან საუბრისას Amazon-ის წარმომადგენლებმა განაცხადეს, რომ სამომხმარებლო ელექტრონიკის ინდუსტრია მეხსიერებისა და შენახვის კომპონენტების გაძვირების წინაშე დგას. კომპანიის თქმით, მათ მაქსიმალურად სცადეს ხარჯების საკუთარ თავზე აღება, თუმცა საბოლოოდ ფასების კორექტირება გარდაუვალი გახდა. მიუხედავად ამისა, Amazon მომხმარებლებს სამომავლოდ პერიოდულ აქციებსა და ფასდაკლებებს ჰპირდება.
ეს გადაწყვეტილება ადასტურებს, რომ გლობალური მეხსიერების დეფიციტი, რომელიც AI-ის ბუმითაა გამოწვეული (ე.წ. „RAMmageddon“), აპარატურის წარმოების თვითღირებულებას მკვეთრად ზრდის. შედეგად, ტექნოლოგიური გიგანტები იძულებულნი არიან, გაზრდილი ხარჯები მომხმარებლებზე გადაანაწილონ. მსგავსი ნაბიჯი უკვე გადადგა Apple-მაც, რომელმაც ფასების ზრდის პარალელურად, მოწყობილობების ლიზინგის პროგრამა გაააქტიურა.
ექსპერტების პროგნოზით, მეხსიერების დეფიციტი 2027 წლის ბოლომდე გაგრძელდება და ფასების სტაბილიზაცია მხოლოდ 2028 წლიდანაა მოსალოდნელი.
წყარო: techcrunch.com
