როგორც ჩანს, Amazon სმარტფონების ბაზარზე ბრუნდება. ელექტრონული კომერციის გიგანტის პირველი წარუმატებელი მცდელობიდან (Fire Phone) 11 წელზე მეტი ხნის შემდეგ, კომპანია ახალ სმარტფონზე მუშაობს, რომლის კოდური სახელწოდებაა Transformer, იუწყება Reuters ანონიმურ წყაროებზე დაყრდნობით.
მოწყობილობას კომპანიის Devices and Services განყოფილება ქმნის. მას ექნება პერსონალიზებული ფუნქციები, რაც მომხმარებლებს Amazon-ის აპლიკაციების (მათ შორის Amazon Shopping, Prime Video და Prime Music) გამოყენებას გაუმარტივებს.
ახალ სმარტფონს ასევე ექნება Alexa-ს, ჭკვიანი სახლის ასისტენტის მხარდაჭერა, რომელშიც კომპანია დიდ ინვესტიციებს დებს. სმარტფონისთვის AI ფუნქციები მთავარი პრიორიტეტია, რაც შიდა დონეზე განიხილება, როგორც საუკეთესო გზა მომხმარებლების წასახალისებლად, რათა მათ Amazon-ის AI პროდუქტები გამოიყენონ.
სმარტფონს Devices განყოფილების შედარებით ახალი ქვედანაყოფი, ZeroOne ქმნის. მას Microsoft-ის ყოფილი აღმასრულებელი და Xbox-ის ერთ-ერთი შემქმნელი, J Allard ხელმძღვანელობს.
ეს სიახლე ემთხვევა Amazon-ის სრულ ფოკუსირებას ხელოვნურ ინტელექტზე. კომპანიამ ახლახან $50 მილიარდის ინვესტიცია განახორციელა OpenAI-ში, ხოლო 2026 წლისთვის AI-ის, ჩიპებისა და რობოტიკის მიმართულებით $200 მილიარდის დახარჯვას გეგმავს.
კომპანიამ ერთ წელზე მეტი დახარჯა Alexa-ს გენერაციული AI ფუნქციებით განახლებაზე და თებერვალში ოფიციალურად ჩაუშვა Alexa+. განახლებული ასისტენტი ინარჩუნებს ჭკვიანი სახლის მართვის ფუნქციებს და ახლა უკვე შეუძლია შეასრულოს ისეთი ამოცანები, რასაც სხვა AI ჩატბოტები აკეთებენ — მაგალითად, მოგზაურობის მარშრუტის დაგეგმვა, საერთო კალენდრის განახლება, ფილმების რეკომენდაციები და სხვა.
Amazon-მა ამ საკითხზე კომენტარის გაკეთებაზე უარი განაცხადა.
წყარო: techcrunch.com
