რა ნაბიჯებს დგამს AI სტარტაპი მას შემდეგ, რაც კონკურენტი კომპანია მის ინტელექტუალურ საკუთრებას ლიცენზირების საფასურის სანაცვლოდ ითვისებს და წამყვან კადრებს იბირებს? AI ჩიპების მწარმოებელი Groq-ისთვის პასუხი მარტივია: დამატებითი კაპიტალის მოზიდვა, გუნდის გაძლიერება და ბიზნეს მოდელის ტრანსფორმაცია.
Groq-მა ოფიციალურად დაადასტურა 650 მილიონი დოლარის მოცულობის საინვესტიციო რაუნდის დასრულება. რაუნდს სათავეში ჩაუდგნენ Disruptive და ჰეჯ-ფონდი Infinitum. ეს ნაბიჯი მას შემდეგ გადაიდგა, რაც გასული წლის დეკემბერში Nvidia-მ Groq-ის ტექნოლოგიაზე ლიცენზია მიიღო და კომპანიის დამფუძნებელი და CEO ჯონათან როსი, პრეზიდენტი სანი მადრა და სხვა წამყვანი თანამშრომლები დაიქირავა.
Groq-ის ახალი CEO, დაგ უაითმენი, კომპანიის სტრატეგიას ცვლის და აქცენტს neocloud ბიზნესზე აკეთებს. კომპანიის განცხადებით, მათ უკვე აქვთ 13 მონაცემთა ცენტრი ჩრდილოეთ ამერიკაში, ევროპაში, ახლო აღმოსავლეთსა და აზია-წყნარი ოკეანის რეგიონში. პლატფორმა ემსახურება ხუთ მილიონზე მეტ დეველოპერს და ათასობით AI კომპანიას, ყოველკვირეულად ტრილიონობით ტოკენს ამუშავებს.
კომპანიამ მენეჯმენტის განახლებაც დაიწყო: ოპერაციულ დირექტორად (COO) დაინიშნა ალან რაისი (xAI-სა და Meta-ს ყოფილი თანამშრომელი), ხოლო ტექნიკურ დირექტორად (CTO) სინკლერ შულერი, ხოლო პროდუქტის დირექტორად (CPO) რაკეშ მალჰოტრა დაინიშნენ. ორივე მათგანს ღრუბლოვანი ტექნოლოგიების სფეროში მუშაობის მრავალწლიანი გამოცდილება აქვს.
Groq-ის წარმატება ახლა იმაზეა დამოკიდებული, რამდენად შეძლებს ის კონკურენტუნარიანი დარჩეს inference-ის ბაზარზე, სადაც მოთხოვნა კვლავ მაღალია, თუმცა კონკურენცია ყოველდღიურად იზრდება. AI-ის ინდუსტრიაში, სადაც მილიარდობით დოლარი ტრიალებს, კომპანიის მომავალი კვლავ ღია კითხვად რჩება.
წყარო: techcrunch.com
