Crunchbase-ის უახლესი მონაცემებით, წლის დასაწყისიდან აშშ-ში შავკანიანი დამფუძნებლების მიერ შექმნილ startup-ებში 643 მილიონი აშშ დოლარი შევიდა. ეს არის ყველაზე დიდი მაჩვენებელი 2022 წლის შემდეგ, როდესაც ამავე სეგმენტმა 653 მილიონი დოლარის დაფინანსება მოიზიდა.
შედარებისთვის, გასულ წელს შავკანიანმა დამფუძნებლებმა ჯამში მხოლოდ 942 მილიონი დოლარი მოიზიდეს, რაც მთლიანი ვენჩურული კაპიტალის (290 მილიარდი დოლარი) მხოლოდ 0.32%-ს შეადგენდა. ეს ნიშნავს, რომ სულ რამდენიმე თვეში მათ შარშანდელი სრული მოცულობის თითქმის 70% უკვე მოიპოვეს.
ამ ზრდას სულ რამდენიმე მსხვილი გარიგება (კონკრეტულად კი 34) განაპირობებს. მათ შორის ყველაზე მნიშვნელოვანია AI ტექნიკური უზრუნველყოფის კომპანია SambaNova-ს მიერ Series E რაუნდში მოზიდული 350 მილიონი დოლარი. მას მოჰყვება სპორტული პროგნოზების startup Noviq ($75 მილიონი) და YC-ის მიერ მხარდაჭერილი სადაზღვევო AI პლატფორმა Harper ($47 მილიონი). თუმცა, Crunchbase ხაზს უსვამს, რომ ეს თანხა მაინც უმნიშვნელოა იმ 252 მილიარდ დოლართან შედარებით, რაც ამავე პერიოდში ამერიკულმა startup-ებმა მთლიანობაში მოიზიდეს, რაც რეალურ პროგრესზე ჯერ კიდევ არ მიუთითებს.
Crunchbase-ის კვლევების ხელმძღვანელმა, Gené Teare-მა აღნიშნა, რომ მთავარ ბარიერად კვლავ რჩება „კავშირებზე, ქსელებსა და ადრეულ ნაცნობობაზე წვდომის ნაკლებობა“, თუნდაც 2026 წლის AI-ზე ორიენტირებულ ბაზარზე. მისი თქმით, მიუხედავად იმისა, რომ ვენჩურული დაფინანსების ვარდნა უკვე მეცხრე კვარტალია გრძელდება, შავკანიანი დამფუძნებლების დაფინანსების კლება ბევრად უფრო სწრაფია, ვიდრე ზოგადი ბაზრის ტენდენცია.
ჯერჯერობით გაურკვეველია, შენარჩუნდება თუ არა ეს დინამიკა. არსებული ვითარება ასახავს ბაზრის ბიფურკაციას, სადაც გარკვეულ ჯგუფებს კაპიტალის მოზიდვა განსაკუთრებით უჭირთ. „ჩნდება კითხვა, ხომ არ უშლის ხელს ინდუსტრიაში გაბატონებული გადაჭარბებული სიფრთხილე ინვესტორებს იმაში, რომ შანსი მისცენ დამწყებ დამფუძნებლებს, რომლებიც ხშირად უმცირესობების წარმომადგენლები არიან“, — დასძენს Teare.
წყარო: techcrunch.com
