OpenAI-ის აღმასრულებელმა დირექტორმა, სემ ალტმანმა, Cheeky Pint-ის პოდკასტში საუბრისას განაცხადა, რომ გლობალური მიწოდების ჯაჭვის კრიზისის ფონზე, RAM-ის (ოპერატიული მეხსიერების) განაწილება პირად კომპიუტერებზე არაეფექტურია. მისი თქმით, მეხსიერების რესურსების უმეტესი ნაწილი მონაცემთა ცენტრებში უნდა იყოს კონცენტრირებული.
ალტმანის განმარტებით, მიუხედავად იმისა, რომ ბევრი მომხმარებელი და დეველოპერი ადგილობრივად მუშაობას (local inference) ანიჭებს უპირატესობას, გლობალური რესურსების განაწილების თვალსაზრისით, ეს მიდგომა პრობლემურია. როდესაც DRAM-ის შეზღუდული მარაგი ნაწილდება ინდივიდუალურ კომპიუტერებზე, რომლებიც ამ რესურსს დროის მხოლოდ მცირე ნაწილში იყენებენ, იკარგება ეფექტურობა. ალტმანის აზრით, რესურსების მაქსიმალური უტილიზაცია მხოლოდ ღრუბლოვან სერვისებშია შესაძლებელი.
ამჟამად, Samsung-ი და SK Hynix-ი გრძელვადიან კონტრაქტებს აფორმებენ ღრუბლოვანი სერვისების ოპერატორებთან და ისეთ მასშტაბურ პროექტებთან, როგორიცაა OpenAI-ის Stargate. სწორედ ამ კომპანიების მიერ ჩიპებში ჩადებული მილიარდობით ინვესტიცია განაპირობებს სამომხმარებლო ტექნიკის, მათ შორის ლეპტოპებისა და სმარტფონების გაძვირებას.
წყარო: theverge.com
