ინდოეთის ტექნოლოგიურ ბაზარზე გლობალური AI რბოლის ფონზე, მილიარდერმა მუკეშ ამბანიმ Reliance Industries-ის სტრატეგიული გეგმები წარადგინა. კომპანია ხელოვნურ ინტელექტს ტელეფონის ზარებში, მობილურ აპლიკაციებსა და ჭკვიან სახლებში ნერგავს.
Reliance-მა წარადგინა Jio Call Agent — AI ასისტენტი, რომელიც სატელეფონო ზარების დროს საუბრის ტრანსკრიბირებას, შეჯამებასა და ისეთი დავალებების შესრულებას შეძლებს, როგორიცაა ტაქსის გამოძახება ან რესტორნის დაჯავშნა. სერვისი პირდაპირ სატელეკომუნიკაციო ქსელში იქნება ინტეგრირებული, რაც მომხმარებელს მესამე მხარის აპლიკაციების საჭიროებას მოუხსნის.
კომპანიამ ასევე დააანონსა TeleFrame — ჭკვიანი სახლის მოწყობილობა, რომელიც AI აგენტების მეშვეობით მომხმარებელს პერსონალიზებულ რეკომენდაციებსა და შეხსენებებს მიაწვდის. ამბანის განცხადებით, ინდოეთი არ უნდა დარჩეს მხოლოდ უცხოური ტექნოლოგიების მომხმარებლად, არამედ თავად უნდა გახდეს AI-ის შემქმნელი და გლობალური ლიდერი.
Reliance-ი აქტიურად თანამშრომლობს ისეთ გიგანტებთან, როგორებიცაა Google, Meta და Nvidia. კომპანია გეგმავს 110 მილიარდი დოლარის ინვესტირებას AI ინფრასტრუქტურაში, რათა შექმნას ეროვნული ეკოსისტემა ჯანდაცვის, განათლებისა და სოფლის მეურნეობისთვის. პარალელურად, Reliance ემზადება Jio Platforms-ის საფონდო ბირჟაზე გასასვლელად, რაც კომპანიისთვის ახალი ზრდის იმპულსი უნდა გახდეს.
წყარო: techcrunch.com
