სენატი კრიპტობაზრის სტრუქტურის კანონპროექტს, რომელიც Clarity Act-ის სახელითაა ცნობილი, უბრუნდება. ეს პროცესი ტრადიციულ ფინანსურ სექტორსა და კრიპტოინდუსტრიას შორის სერიოზულ დაპირისპირებას იწვევს.
ამერიკის ბანკერთა ასოციაციამ (ABA) Wall Street-ის და ლოკალური ბანკების CEO-ებს მოუწოდა, სასწრაფოდ დაუკავშირდნენ სენატორებს. მათი აზრით, Clarity Act ინდუსტრიისთვის ეგზისტენციალურ საფრთხეს წარმოადგენს. მიზეზი ისაა, რომ კანონპროექტი კრიპტოკომპანიებს არ უკრძალავს, შესთავაზონ მომხმარებლებს საპროცენტო განაკვეთის მსგავსი ჯილდოები გადახდის stablecoin-ებზე. ბანკები შიშობენ, რომ ეს წაახალისებს კლიენტებს, ფული სტეიბლკოინებში გადაიტანონ, რაც დეპოზიტების მასიურ გადინებას გამოიწვევს.
იანვარში, Coinbase-მა უარი თქვა წინა ვერსიის მხარდაჭერაზე, რადგან მიიჩნევდა, რომ ის ბანკების სასარგებლოდ იყო დაწერილი. თუმცა, თვეების განმავლობაში მიმდინარე მოლაპარაკებების შემდეგ, ციფრული აქტივების კომპანიებმა და ტრადიციულმა ფინანსურმა ინსტიტუტებმა კომპრომისს მიაღწიეს. Matter Labs-ის წარმომადგენლის განცხადებით, ახალი ვერსია პირდაპირ არ აძლევს stablecoin-ებს ნაღდი ფულის საპროცენტო შემოსავლის შეთავაზების უფლებას, მაგრამ უტოვებს იურიდიულ ფანჯარას, რომ მომხმარებლებს ტრანზაქციებზე დაფუძნებული ჯილდოები შესთავაზონ (როგორც საკრედიტო ბარათების ქულები).
წინააღმდეგობის დონეები და პოლიტიკა
- ლოკალური ბანკები: მცირე ბანკები პირდაპირ ზეწოლას ახდენენ სენატორებზე, რადგან დეპოზიტების კრიპტოში გადატანა მათზე ყველაზე ძლიერად აისახება.
- მსხვილი ბანკები: მაღალშემოსავლიანი (High-net-worth) კლიენტების დაკარგვის შიში აქვთ, თუ ისინი stablecoin საფულეებში მეტ უკუგებას ნახავენ.
- პოლიტიკური ოპოზიცია: დემოკრატები, სენატორ Elizabeth Warren-ის მეთაურობით, აპროტესტებენ კანონპროექტში ეთიკის მუხლების არარსებობას. ისინი მიუთითებენ, რომ კანონი მთავრობის წევრებს (მათ შორის Donald Trump-ს) არ უზღუდავს კრიპტო ინტერესებიდან ფინანსური სარგებლის მიღებას.
ორპარტიული მხარდაჭერის მოსაპოვებლად, კანონპროექტს მოულოდნელად დაემატა საბინაო განვითარების პროგრამა - Build Now Act, რაც Warren-ისა და რესპუბლიკელი სენატორის, John Kennedy-ის მიმხრობას ემსახურება. საბოლოო ჯამში, კრიპტო ინდუსტრიასა და ბანკებს შორის დაძაბულობა პიკს აღწევს და ინდუსტრიის მომავალი სწორედ სენატის გადაწყვეტილებაზეა დამოკიდებული.
წყარო: theverge.com
