მიმდინარე თვის დასაწყისში გავრცელდა ინფორმაცია, რომ ილონ მასკის ხელოვნური ინტელექტის სტარტაპ xAI-ის 11 თანადამფუძნებლიდან მხოლოდ ორი რჩებოდა კომპანიაში. Business Insider-ის თანახმად, ახლა უკვე დარჩენილმა ორმა თანადამფუძნებელმა, მანუელ კროისმა და როს ნორდინმაც დატოვეს xAI.
BI-ის ოთხშაბათის ანგარიშის მიხედვით, კროისმა განაცხადა კომპანიიდან წასვლის შესახებ, პარასკევს კი ცნობილი გახდა ნორდინის წასვლის შესახებაც.
მასკმა ცოტა ხნის წინ აღნიშნა, რომ xAI თავდაპირველად სწორად არ აშენდა და ახლა საძირკვლიდანვე ხელახლა შენდება. კომპანია ახლახან მასკის SpaceX-მა შეიძინა, რითაც SpaceX, xAI და X (ყოფილი Twitter) ერთ კორპორატიულ ქოლგის ქვეშ გაერთიანდა. გავრცელებული ინფორმაციით, ამ ფონზე SpaceX საჯარო კომპანიად გადაქცევას გეგმავს.
BI-ის ინფორმაციით, კროისი და ნორდინი უშუალოდ მასკს ექვემდებარებოდნენ. კროისი კომპანიის წინასწარი ტრენინგის გუნდს ხელმძღვანელობდა, ხოლო ნორდინი მასკის მარჯვენა ხელი იყო. ნორდინი xAI-ში Tesla-დან გადმოვიდა და 2022 წელს Twitter-ის შეძენის შემდეგ, მასშტაბური შემცირებების დაგეგმვაში მონაწილეობდა.
წყარო: techcrunch.com
