აშშ-ის ფასიანი ქაღალდებისა და ბირჟების კომისიის (SEC) ახალი დოკუმენტების თანახმად, Volkswagen-მა Amazon-ი პირველი ადგილიდან გადააყენა და Rivian-ის უმსხვილესი აქციონერი გახდა.
VW Group-ის წილი Rivian-ში ორ წელზე ნაკლებ დროში 8.6%-დან 15.9%-მდე გაიზარდა, რაც EV startup-თან ერთობლივ საწარმოს (joint venture) უკავშირდება. 2024 წლის ნოემბერში დაფუძნებული ერთობლივი საწარმო ორიენტირებულია ელექტრონული არქიტექტურისა და პროგრამული უზრუნველყოფის განვითარებაზე.
VW-მ Rivian-ში 5.8 მილიარდი დოლარის ინვესტირება გადაწყვიტა. კაპიტალი კონკრეტული მიზნების მიღწევის პარალელურად გაიცემა. გარიგება დაიწყო საწყისი 1 მილიარდი დოლარის ინვესტიციით, რასაც მოჰყვა კიდევ 1 მილიარდი 2025 წლის შუა პერიოდში. გასულ თვეში Rivian-მა დამატებით 1 მილიარდი მიიღო VW ID.EVERY1-ის ზამთრის ტესტირების დასრულების შემდეგ. ორშაბათს წარდგენილი დოკუმენტები აჩვენებს, რომ VW Group ახლა Rivian-ის 209.7 მილიონ აქციას ფლობს.
Amazon-ი, რომელიც კომპანიის დიდი ხნის მხარდამჭერი და მომხმარებელია, ახლა Rivian-ის 12.28%-ს ფლობს. სხვა მსხვილ აქციონერებს შორისაა Oryx Global (8.6%) და Vanguard (5.1%). Rivian-ის დამფუძნებელი და CEO, RJ Scaringe კომპანიის დაახლოებით 1.1%-ს ფლობს.
Volkswagen-თან გარიგება კრიტიკულ მომენტში შედგა, როდესაც EV მწარმოებელი მილიონობით დოლარს R&D-ში დებდა და R2 მოდელის წარმოების დაწყებას ცდილობდა. Rivian-მა R2-ის წარმოება აპრილში დაიწყო.
წარმატების შემთხვევაში, VW-Rivian-ის ერთობლივმა საწარმომ შესაძლოა ტექნოლოგიების ლიცენზირების ახალ გარიგებებამდე მიგვიყვანოს. თუმცა, აღნიშნული თანამშრომლობა არ მოიცავს AI-სა და ავტონომიური მართვის სისტემებს, სადაც Rivian დიდ რესურსებს ხარჯავს. 2025 წელს კომპანიამ R&D-ზე 1.7 მილიარდი დოლარი დახარჯა. R&D-ზე გაზრდილი დანახარჯების გამო, კომპანია არ ელის, რომ მომავალ წელს მომგებიანი იქნება.
წყარო: techcrunch.com
