OpenAI-ის ყოფილი CTO-ს, მირა მურატის მიერ დაფუძნებული AI ლაბორატორია, Thinking Machines, 1 მილიარდი დოლარის მოზიდვის შესახებ მოლაპარაკებებს აწარმოებს. არსებული ინფორმაციით, საინვესტიციო რაუნდს, სავარაუდოდ, Accel უხელმძღვანელებს, კომპანიის საბაზრო ღირებულება კი მინიმუმ 40 მილიარდი დოლარი იქნება.
მიუხედავად იმისა, რომ ეს მაჩვენებელი შთამბეჭდავია, ის მაინც ჩამორჩება გასული წლის ბოლოს დაგეგმილ 50-მილიარდიან შეფასებას. ფინანსური მონაცემების თანახმად, Thinking Machines-ის წლიური შემოსავალი 100 მილიონ დოლარს აჭარბებს, რაც 40-მილიარდიანი შეფასების ფონზე, შემოსავლის უჩვეულოდ მაღალ მულტიპლიკატორზე მიუთითებს.
ივლისში კომპანიამ წარადგინა Inkling — open-weight მოდელი, რომელიც შემოსავალს Tinker პლატფორმაზე საკუთარ მონაცემებზე მოდელების ადაპტირებისთვის დაწესებული საკომისიოებით გამოიმუშავებს. აღსანიშნავია, რომ სტარტაპის წინა, 2-მილიარდიანი საინვესტიციო რაუნდი, რომელსაც Andreessen Horowitz ხელმძღვანელობდა, კომპანიას 12 მილიარდად აფასებდა.
მიუხედავად წარმატებისა, კომპანიამ ბოლო პერიოდში რამდენიმე მაღალი რანგის თანამშრომელი დაკარგა, მათ შორის თანადამფუძნებლები ლილიან ვენგი და ლუკ მეცი, რომლებიც OpenAI-ში დაბრუნდნენ.
წყარო: techcrunch.com
