Tesla-მ მეორე კვარტალის წარმოებისა და მიწოდების ანგარიში გამოაქვეყნა, რაც მიუთითებს იმაზე, რომ კომპანია 2025 წლის რთული პერიოდის შემდეგ აღდგენას იწყებს.
აპრილიდან ივნისის ჩათვლით, კომპანიამ სულ 451,758 ავტომობილი აწარმოა, მათ შორის 442,936 Model 3 და Model Y, ხოლო 8,822 ერთეული სხვა მოდელებზე, როგორიცაა Cybertruck და Tesla Semi, მოდის. ეს მაჩვენებელი 10%-ით აღემატება 2025 წლის ანალოგიურ პერიოდს.
Tesla-ს მიწოდებებმა, რაც პირდაპირი გაყიდვების ინდიკატორად ითვლება, 480,126 ერთეული შეადგინა. ეს 25%-იანი ზრდაა გასული წლის მეორე კვარტალთან შედარებით, როდესაც კომპანიამ 384,122 ავტომობილი მიაწოდა მომხმარებლებს. შედეგებმა მნიშვნელოვნად გადააჭარბა უოლ-სტრიტის მოლოდინებს, რომელიც 400,000-420,000 ერთეულს პროგნოზირებდა.
მიუხედავად ფინანსური წარმატებისა, კომპანია კვლავ აწყდება გამოწვევებს ავტოპილოტის ტექნოლოგიის უსაფრთხოებასთან დაკავშირებით. Full Self-Driving (FSD) სისტემასთან დაკავშირებულმა ინციდენტებმა გამოიწვია როგორც საგამოძიებო უწყებების ინტერესი, ისე სასამართლო დავების დარეგულირების აუცილებლობა. ამასთან, Tesla-ს რობოტაქსის სერვისი ამ ეტაპზე შეზღუდული მასშტაბით ოპერირებს ტეხასის შტატის რამდენიმე ქალაქში.
წყარო: theverge.com
