Spotify, რომელიც აქამდე მომხმარებლებისთვის მხოლოდ სხვისი პოდკასტების მოსასმენ პლატფორმას წარმოადგენდა, წესებს ცვლის. კომპანია ნერგავს პერსონალური პოდკასტის ფუნქციას, რომელიც ხელოვნური ინტელექტის (AI) მეშვეობით მომხმარებლის იდეისა თუ პრომპტის საფუძველზე ქმნის აუდიო კონტენტს.
მალე მომხმარებლები შეძლებენ პოდკასტების პირდაპირ Spotify-ის აპლიკაციაში გენერირებას და ყოველდღიური თუ ყოველკვირეული ბრიფინგების ჩანიშვნას საინტერესო თემებზე. შესაძლებელია ბმულების, PDF-ებისა და ტექსტების ატვირთვა, ასევე სასურველი ხმის შერჩევა. ეს მიდგომა NotebookLM-ისა და ElevenLabs-ის ანალოგიური პროდუქტების კონკურენტია. გარდა ამისა, Spotify Labs-მა გამოუშვა დესკტოპ აპლიკაცია Studio, რომელიც კალენდარსა და ელფოსტას უკავშირდება პერსონალიზებული ბრიფინგების შესაქმნელად.
კომპანია ასევე უშვებს AI-ზე მომუშავე კითხვა-პასუხის (Q&A) ფუნქციას Premium მომხმარებლებისთვის აშშ-ში, შვედეთსა და ირლანდიაში. მსმენელებს შეეძლებათ დასვან კითხვები მიმდინარე ეპიზოდის ან მასში გაჟღერებული კონცეფციების შესახებ, რაც Google-ის მიერ წარდგენილ „Ask YouTube“ ფუნქციას ჰგავს.
პოდკასტების ავტორებისთვის კი Spotify ხელმისაწვდომს ხდის სპონსორობის მართვის ხელსაწყოებს ბრენდებთან პარტნიორობისთვის და ამატებს ფასიანი გამომწერების ფუნქციას ექსკლუზიური კონტენტის მონეტიზაციისთვის, რაც პლატფორმას სოციალური ქსელების ფუნქციონალთან აახლოებს.
წყარო: techcrunch.com
