კომპანია Pacific Fusion-მა ნიუ-მექსიკოში ახალი ობიექტის მშენებლობა დაიწყო, რაც კომერციული თერმობირთვული ენერგიის მიღებისკენ გადადგმული მნიშვნელოვანი ნაბიჯია. პროექტის მიზანია ისეთი სისტემის შექმნა, რომელიც იმაზე მეტ ენერგიას გამოიმუშავებს, ვიდრე თავად მოიხმარს.
Pacific Fusion-ის თანადამფუძნებლის, კერი ფონ მიუნხის განცხადებით, მსგავსი მასშტაბის ობიექტი აშშ-ში ამჟამად არ არსებობს. კომპანია გეგმავს, 2030 წლისთვის მიაღწიოს ე.წ. „net facility gain“-ს, ხოლო 2030-იანი წლების შუა პერიოდისთვის კომერციული ელექტროსადგურის ამუშავებას აპირებს.
ტექნოლოგია ეფუძნება ელექტროენერგიის ინტენსიურ იმპულსებს, რომლებიც ქმნიან მაგნიტურ ველს საწვავის სამიზნის გარშემო. ეს პროცესი ატომების შერწყმას იწვევს. ახალი საცდელი სისტემა შეძლებს დღეში რამდენიმე „გასროლის“ განხორციელებას, თუმცა სრულფასოვანი ელექტროსადგურისთვის საჭირო იქნება წამში ერთი ციკლის შესრულება.
კომპანიამ, რომელიც 2023 წელს დაარსდა, უკვე მოიზიდა 1 მილიარდ დოლარზე მეტი ინვესტიცია. ეს ფინანსური სტაბილურობა საშუალებას აძლევს Pacific Fusion-ს, სწრაფი ტემპით განავითაროს ტექნოლოგია და კონკურენცია გაუწიოს ისეთ მოთამაშეებს, როგორებიც არიან Commonwealth Fusion Systems და Helion Energy. ახალი ობიექტი ასევე მოემსახურება ეროვნული უსაფრთხოების კვლევებს, რაც მას უნიკალურს ხდის გლობალურ მასშტაბით.
წყარო: techcrunch.com
