ადრეული ეტაპის ვენჩურულმა ფირმამ A* 450 მილიონი დოლარის მოცულობის მესამე ფონდის (Fund III) შექმნა დააანონსა. ფირმა გენერალისტურ მიდგომას იყენებს და მხარს უჭერს კომპანიებს ისეთ კატეგორიებში, როგორიცაა AI აპლიკაციები, fintech, ჯანდაცვა და კიბერუსაფრთხოება.
ამ ფონდისთვის ინვესტიციის საშუალო მოცულობა 3-დან 5 მილიონ დოლარამდე იქნება, მიზანი კი მინიმუმ 30 startup-ის დაფინანსებაა. კაპიტალი მომდევნო ორი-სამი წლის განმავლობაში განაწილდება. პარტნიორებს (LP) შორის არიან არაკომერციული ორგანიზაციები და ფონდები, მათ შორისაა Carnegie Mellon University.
A*, რომელიც 2020 წელს დაარსდა და რომელსაც Kevin Hartz და Bennett Siegel მართავენ, 2024 წელს 315 მილიონი დოლარის მოცულობის Fund II და 2021 წელს 300 მილიონი დოლარის მოცულობის Fund I მოიზიდა. Hartz სერიული ანტრეპრენერია, რომელიც ცნობილია Xoom-ისა და Eventbrite-ის თანადაფუძნებით.
ფირმამ ყურადღება ასევე უჩვეულოდ ახალგაზრდა დამფუძნებლების დაფინანსებით მიიპყრო. Hartz-ის თქმით, ამჟამინდელი პორტფელის თითქმის 20% თინეიჯერი ანტრეპრენერებისგან შედგება. წარმატებულ ინვესტიციებს შორისაა fintech კომპანია Ramp და AI ფირმა Mercor.
წყარო: techcrunch.com
