Joby Aviation-მა განაცხადა, რომ მის მიერ შემუშავებული ავტონომიური ტექნოლოგიით აღჭურვილმა საჰაერო ხომალდმა აშშ-ის მასშტაბით 3100 მილზე მეტი დაფარა ისე, რომ პილოტს მართვაში ჩარევა არ დასჭირვებია. ეს მიღწევა ადასტურებს, რომ კომპანიის ამბიციები მხოლოდ ელექტრო საჰაერო ტაქსების სფეროთი არ შემოიფარგლება.
ფრენა, რომელიც კომპანიამ „აშშ-ის მასშტაბით პირველ ავტონომიურ რეისად“ შეაფასა, მოიცავდა ავტონომიურ მოძრაობას ასაფრენ ბილიკზე, აფრენას, ნავიგაციასა და დაფრენას. მიუხედავად იმისა, რომ უსაფრთხოების მიზნით ბორტზე პილოტი იმყოფებოდა, მთელი ოპერაცია დისტანციურად, კალიფორნიასა და სამხრეთ კაროლინაში მდებარე ცენტრებიდან იმართებოდა.
კომპანიამ, რომელმაც ამ მისიისთვის მოდიფიცირებული Cessna Caravan გამოიყენა, დაამტკიცა, რომ მისი ავტონომიური სისტემა ეფექტურია სხვადასხვა გარემოსა და დავალებებისთვის, მათ შორის სამედიცინო ტრანსპორტირებისთვის, სტიქიური უბედურებების დროს რეაგირებისა და თავდაცვის ლოჯისტიკისთვის.
Joby Aviation აქტიურად აფართოებს საქმიანობას თავდაცვის სექტორში. კომპანიის ავტონომიური სისტემა, რომელიც სხვადასხვა ტიპის საჰაერო ხომალდზე შეიძლება დამონტაჟდეს, აშშ-ის თავდაცვის დეპარტამენტის ინტერესს იწვევს. ამ სტრატეგიის ნაწილია Resonant Sciences-ის შეძენა და L3Harris Technologies-თან თანამშრომლობა, რაც მიზნად ისახავს ჰიბრიდული და ავტონომიური საფრენი აპარატების ახალი კლასის შექმნას.
წყარო: techcrunch.com
