Nvidia-მ ორშაბათს, თავის GTC კონფერენციაზე DLSS 5 დააანონსა. პირველადი რეაქციების მიხედვით, ეს საკმაოდ საკამათო განახლება იქნება, რადგან ზოგიერთი მას მიუღებელს უწოდებს და ამბობს, რომ ის არღვევს ორიგინალურ სახელოვნებო ჩანაფიქრს. Nvidia-ს CEO, ჯენსენ ჰუანგი ამას გრაფიკისთვის „GPT მომენტს“ უწოდებს — აერთიანებს ხელით შექმნილ რენდერს generative AI-სთან, რათა უზრუნველყოს დრამატული ნახტომი ვიზუალურ რეალიზმში, ხოლო ამავდროულად შეინარჩუნოს კონტროლი, რომელიც არტისტებს შემოქმედებითი გამოხატვისთვის სჭირდებათ.
თამაშებში, რომლებიც მხარს უჭერენ DLSS 5-ს, ინსტრუმენტებს შეუძლიათ დაუყოვნებლივ უზრუნველყონ განათებისა და ჩრდილების შესამჩნევი გაუმჯობესება. თუმცა, წინა ვერსიებისგან განსხვავებით, რომლებიც იყენებდნენ მანქანურ სწავლებას მაღალ და დაბალ გრაფიკულ პარამეტრებს შორის სხვაობის შესამცირებლად, ეს ვერსია იყენებს generative AI-ს, რათა გადაამუშაოს განათება და მასალები ისეთი დეტალებით, რომლებიც ახალდამატებულს ჰგავს. Nvidia-ს მიერ დღეს ნაჩვენები მაგალითები Resident Evil Requiem, Starfield, Hogwarts Legacy და EA Sports FC-დან უფრო რეალისტურად გამოიყურება, თუმცა DLSS 5 ვერსიებს აქვთ ცვლილებები, რომლებიც წააგავს „AI slop“ განახლებებს ფოტოგრაფიაში, ვიდეოსა და სხვა კრეატიულ მიმართულებებში.
Nvidia-ს თანახმად, „AI მოდელი სრულყოფილად არის გაწვრთნილი იმისათვის, რომ გაიგოს სცენის რთული სემანტიკა, როგორიცაა პერსონაჟები, თმა, ქსოვილი და გამჭვირვალე კანი, ასევე გარემოს განათების პირობები — ეს ყველაფერი მხოლოდ ერთი კადრის ანალიზით. DLSS 5 შემდეგ იყენებს თავის ღრმა ცოდნას ვიზუალურად ზუსტი სურათების შესაქმნელად, რომლებიც ამუშავებენ რთულ ელემენტებს ორიგინალური სცენის სტრუქტურისა და სემანტიკის შენარჩუნებით.“
ყველაზე შესამჩნევი გავლენა ის არის, რომ DLSS 5 მნიშვნელოვნად ცვლის პერსონაჟების მოდელების ვიზუალს. Requiem-ის შემთხვევაში, ორიგინალურ აქტივებზე დადებული generative AI მთავარ გმირს, გრეის ეშკროფტს სრულიად განსხვავებულს ხდის, თითქოს მან Instagram ფილტრი გამოიყენა.
Starfield-ში მისი გამოყენება მსგავს არაბუნებრივ შედეგებს იძლევა. სიმკვეთრე მაქსიმუმამდეა გაზრდილი და ნათელი ხაზგასმები პერსონაჟების სახესა და თმას ისე აჩვენებს, თითქოს სცენაზე დგანან. ტოდ ჰოვარდი, Bethesda Game Studios-ის ხელმძღვანელი აღნიშნავს: „როდესაც NVIDIA-მ DLSS 5 გვაჩვენა და ის Starfield-ში ჩავრთეთ, საოცარი იყო, როგორ გააცოცხლა მან თამაში.“
DLSS 5-ს შეუძლია რეალურ დროში იმუშაოს 4K რეზოლუციამდე, და მიუხედავად იმისა, რომ ის ნამდვილად დააკმაყოფილებს ზოგიერთ გეიმერსა და დეველოპერს, რომლებიც ელოდებიან ფოტორეალიზმს მეტ თამაშში, ეფექტი ყველასთვის მისაღები არ იქნება. თამაშების დეველოპერმა მაიკ ბითელმა დაწერა: „ეს მათთვისაა, ვისაც აბსოლუტურად არ სურს რაიმე art direction-ის არსებობა თამაშში. იმედგაცრუებაა იმის დანახვა, რომ ვინმე ამ სისულელეს სერიოზულად აღიქვამს.“
თუმცა, Nvidia ამბობს, რომ ის აძლევს დეველოპერებს კონტროლის საშუალებას, გადაწყვიტონ, თუ როგორ იმოქმედებს DLSS 5 თამაშის ვიზუალზე, ამიტომ შესაძლოა, მისი გამოსვლისთვის, თამაშში არსებული ეფექტები განსხვავებული იყოს იმისგან, რასაც ახლა ვხედავთ.
Nvidia განმარტავს, რომ DLSS 5 პატივს სცემს არტისტულ ჩანაფიქრს თითოეული კადრისთვის თამაშის ფერისა და მოძრაობის ვექტორების მოდელში შეყვანით და დეველოპერებისთვის დეტალური კონტროლის მიწოდებით (ინტენსივობა და ფერების კორექცია). არტისტებს შეუძლიათ შეცვალონ კონტრასტი, სატურაცია და გამა, ასევე განსაზღვრონ სად და როგორ გამოიყენება გაუმჯობესებები.
DLSS 5 ამ შემოდგომაზე გამოვა და ჯერჯერობით დადასტურებულია მისი თავსებადობა მხოლოდ რამდენიმე თამაშთან, მათ შორის The Elder Scrolls VI: Oblivion remake და Assassin’s Creed Shadows.
წყარო: theverge.com
