ყველაზე მოწინავე სილიკონის ჩიპებმა ხელოვნური ინტელექტის განვითარება დააჩქარა. ახლა შეუძლია AI-ს საპასუხო სიკეთის გაკეთება?
Cognichip აშენებს deep learning მოდელს, რომელიც ინჟინრებთან ერთად იმუშავებს ახალი კომპიუტერული ჩიპების დიზაინზე. პრობლემა, რომლის მოგვარებასაც ის ცდილობს, ინდუსტრიისთვის ათწლეულების განმავლობაში ნაცნობია: ჩიპების დიზაინი უკიდურესად რთული, ძვირადღირებული და ნელია. მოწინავე ჩიპების იდეიდან მასობრივ წარმოებამდე 3-5 წელია საჭირო; მხოლოდ დიზაინის ფაზა შეიძლება 2 წლამდე გაგრძელდეს. წარმოიდგინეთ, Nvidia-ს უახლესი GPU, Blackwell-ი 104 მილიარდ ტრანზისტორს შეიცავს.
Cognichip-ის CEO-ს და დამფუძნებლის, ფარაჯ აალაეის თქმით, ამ დროის განმავლობაში ბაზარი შეიძლება ისე შეიცვალოს, რომ ინვესტიცია ფუჭი აღმოჩნდეს. მისი მიზანია, ნახევარგამტარების დიზაინის სფეროში შემოიტანოს ისეთი AI ინსტრუმენტები, რომლებსაც პროგრამისტი ინჟინრები იყენებენ.
"ეს სისტემები იმდენად ინტელექტუალური გახდა, რომ უბრალოდ მითითებით და სასურველი შედეგის აღწერით, მათ შეუძლიათ შესანიშნავი კოდის გენერირება," - განუცხადა აალაეიმ TechCrunch-ს. მისი თქმით, კომპანიის ტექნოლოგიას შეუძლია ჩიპების განვითარების ხარჯები 75%-ით, ხოლო დრო 50%-ზე მეტით შეამციროს.
კომპანიამ ოთხშაბათს გამოაცხადა, რომ $60 მილიონის ახალი დაფინანსება მოიზიდა. რაუნდს Seligman Ventures-მა უხელმძღვანელა, Intel-ის CEO ლიპ-ბუ ტანის მონაწილეობით, რომელიც Cognichip-ის დირექტორთა საბჭოს შეუერთდება. სულ, 2024 წელს დაარსების შემდეგ, სტარტაპს მოზიდული აქვს $93 მილიონი.
კომპანიის მთავარი უპირატესობა საკუთარი მოდელია, რომელიც ტრენინგს ჩიპების დიზაინის მონაცემებზე გადის, ნაცვლად ზოგადი დანიშნულების LLM-ისა. ეს რთული ამოცანაა, რადგან ჩიპების დიზაინერები საკუთარ ინტელექტუალურ საკუთრებას მკაცრად იცავენ. ამიტომ, Cognichip-მა საკუთარი მონაცემთა ბაზები, მათ შორის სინთეტიკური მონაცემები შექმნა და პარტნიორებისგან მიიღო ლიცენზია.
Cognichip-ის კონკურენტები არიან როგორც ტრადიციული მოთამაშეები (Synopsys, Cadence Design Systems), ასევე სტარტაპები, როგორიცაა ChipAgents და Ricursive, რომლებმაც ასევე დიდი დაფინანსებები მოიზიდეს.
წყარო: techcrunch.com
