Apple-ში მასშტაბური საკადრო ცვლილებები გრძელდება. მას შემდეგ, რაც კომპანიის აღმასრულებელმა დირექტორმა ტიმ კუკმა თანამდებობა დატოვა, Apple-ის არაერთი ტოპ-მენეჯერიც მიჰყვება ამ გზას. Bloomberg-ის ცნობით, ფილ შილერმა, რომელიც წლების განმავლობაში App Store-ს ხელმძღვანელობდა, პოსტი დატოვა.
შილერი, რომელიც Apple-ში 1987 წლიდან მუშაობს, კომპანიას სრულად არ ტოვებს. ის „Apple Fellow“-ის სტატუსს შეინარჩუნებს, რაც გულისხმობს მუშაობას სპეციალურ პროექტებზე, თუმცა ინსაიდერების აზრით, ეს ნაბიჯი მისი საბოლოო პენსიაზე გასვლის წინაპირობაა. შილერი კომპანიისთვის კრიტიკულ პერიოდში მუშაობდა, მათ შორის Epic Games-თან გახმაურებული ანტიმონოპოლიური დავის დროს.
App Store-ის ყოველდღიურ ოპერაციებს კარსონ ოლივერი ჩაიბარებს, ხოლო თავად პლატფორმა მარკეტინგის დეპარტამენტიდან სერვისების განყოფილებაში გადავა, რომელსაც ედი კიუ ხელმძღვანელობს.
ეს ცვლილება Apple-ისთვის საკადრო ცვლილებების ტალღის ნაწილია. კომპანია უკვე დატოვეს ისეთმა მაღალი რანგის ლიდერებმა, როგორებიც არიან ოპერაციული დირექტორი ჯეფ უილიამსი, ვიცე-პრეზიდენტი ლიზა ჯექსონი, გენერალური მრჩეველი ქეით ადამსი და Apple Pay-ს ხელმძღვანელი ჯენიფერ ბეილი. გარდა ამისა, Vision Pro-ს გუნდი დატოვა პოლ მიდმა, რომელიც OpenAI-ში გადავიდა.
ახალ აღმასრულებელ დირექტორს, ჯონ ტერნუსს, კომპანიის მართვის გარდა, ახალი თაობის კორპორატიული ლიდერების ფორმირებისა და გუნდის გაძლიერების რთული ამოცანა ელის.
წყარო: techcrunch.com
