Anthropic გახდა პირველი AI სტარტაპი, რომელიც შეუერთდა Frontier-ს — ნახშირბადის შემცირების კოალიციას. ეს ნაბიჯი მოჰყვა ორგანიზაციისთვის 915 მილიონი დოლარის დაფინანსების გამოყოფას, რამაც Frontier-ის საერთო ინვესტიციები 1.8 მილიარდ დოლარამდე გაზარდა.
Frontier, რომელიც დაარსდა ისეთი ტექნოლოგიური გიგანტების მიერ, როგორებიცაა Stripe, Google და Shopify, მიზნად ისახავს ნახშირბადის ემისიების შემცირებას იმ სექტორებში, სადაც სრული დეკარბონიზაცია ჯერჯერობით შეუძლებელია. დღეისთვის კოალიციამ უკვე დააფინანსა 50-ზე მეტი პროექტი, რომელთა მიზანი 1.8 მილიონი ტონა ნახშირბადის ატმოსფეროდან მოცილებაა.
Anthropic-ის გაწევრიანება მნიშვნელოვანი სიგნალია, რადგან AI კომპანიები ხშირად ხვდებიან კრიტიკის ქარცეცხლში ენერგიის მაღალი მოხმარებისა და გარემოზე ზემოქმედების გამო. Frontier-ის ახალი სტრატეგია გულისხმობს უფრო მკაცრ სელექციას: ორგანიზაცია ფოკუსირდება იმ პროექტებზე, რომლებსაც აქვთ პოტენციალი, წელიწადში 1 მილიარდი ტონა CO2-ის მოცილება უზრუნველყონ.
Frontier-ის წარმომადგენლების თქმით, ახალი კონტრაქტები მოითხოვს, რომ ნახშირბადის შემცირების ტექნოლოგიებმა აჩვენონ სამთავრობო სუბსიდირების ან მხარდაჭერის პერსპექტივა. ეს მიუთითებს იმაზე, რომ კერძო სექტორი ცდილობს ბაზრის მომწიფებას, თუმცა საბოლოო ჯამში, კლიმატური მიზნების მიღწევა სახელმწიფო რეგულაციებისა და მხარდაჭერის გარეშე შეუძლებელი იქნება.
წყარო: techcrunch.com
