სამშაბათიდან Anthropic-ის AI პლატფორმა Claude Cowork პირველად გახდა ხელმისაწვდომი მობილურ და ვებ ბრაუზერებში. განახლებული წვდომა თავდაპირველად Max-ის აბონენტებისთვის გაიხსნა, ხოლო სხვა მომხმარებლები ამ შესაძლებლობას უახლოეს კვირებში მიიღებენ.
მანამდე Claude Cowork მხოლოდ macOS-ისა და Windows-ის დესკტოპ აპლიკაციებით იყო ხელმისაწვდომი. მიუხედავად იმისა, რომ iOS და Android-ის მომხმარებლებს უკვე შეუძლიათ პლატფორმით სარგებლობა, Anthropic აღნიშნავს, რომ სრული ფუნქციონალი, მათ შორის ლოკალურ ფაილებზე წვდომა, კვლავ დესკტოპ ვერსიის პრიორიტეტად რჩება.
Cowork-ის სესიები ახლა ნაგულისხმევად ღრუბლოვან სერვერებზე (cloud) მიმდინარეობს, რაც მომხმარებელს საშუალებას აძლევს, მუშაობა სხვადასხვა მოწყობილობაზე გააგრძელოს ან დავალებები ფონურ რეჟიმში შეასრულოს. დესკტოპ აპლიკაციაში კვლავ რჩება ლოკალური დამუშავების არჩევის შესაძლებლობა. გარდა ამისა, დაგეგმილი დავალებები შესრულდება მაშინაც კი, თუ მომხმარებელი ოფლაინ რეჟიმშია, ხოლო Claude-ი მობილურ შეტყობინებებს გამოაგზავნის, როდესაც დავალება განხილვას ან დამტკიცებას საჭიროებს.
მობილური და ვებ ვერსიების გაშვებასთან ერთად, Anthropic-მა Cowork-ის გამოყენების გაორმაგებული ლიმიტები 5 აგვისტომდე გაახანგრძლივა.
წყარო: theverge.com
