კალიფორნიაში, შასტას მთაზე სამი მოლაშქრე დახმარებას ითხოვდა მას შემდეგ, რაც Google-ის AI ჩეთბოტ Gemini-ზე დაყრდნობით არასწორი გადაწყვეტილებები მიიღეს. მოუმზადებლობამ და არასწორმა დაგეგმვამ ისინი კრიტიკულ სიტუაციაში ჩააგდო. მსგავსი შემთხვევები სულ უფრო ხშირია: AI-ის მიერ მოწოდებული არასწორი რუკები თუ რჩევები მოლაშქრეებს ხშირად შეცდომაში შეჰყავს.
ექსპერტები ამ მოვლენას კოგნიტურ დანებებას უწოდებენ. კლემსონის უნივერსიტეტის პროფესორის, კრის ფლათმანის თქმით, როდესაც ადამიანები AI სისტემებთან მუშაობენ, მათ შეუძლიათ კრიტიკული აზროვნება დაკარგონ. ჩეთბოტები ხშირად დამაჯერებლად ჟღერენ, თუმცა მათი პასუხები შესაძლოა ეფუძნებოდეს მოძველებულ ინფორმაციას ან იყოს სრულიად გამოგონილი.
მიუხედავად იმისა, რომ AI-ის გამოყენება ტურისტულ ინფორმაციაზე წვდომას ამარტივებს, ის არ ანაცვლებს ოფიციალურ წყაროებს. სპეციალისტები გვირჩევენ, რომ ნებისმიერი მარშრუტის დაგეგმვისას ინფორმაცია გადავამოწმოთ სანდო რესურსებით, როგორიცაა ოფიციალური სააგენტოების რუკები, საფეხმავლო ბილიკების ასოციაციები ან პარკის რეინჯერების რჩევები. როგორც ექსპერტები აღნიშნავენ, როდესაც საქმე რთულ რელიეფზე მოგზაურობას ეხება, დაგეგმვის პროცესს სრული პასუხისმგებლობით უნდა მივუდგეთ.
წყარო: wired.com
