წყაროების თანახმად, Anthropic ინვესტორებს სთხოვს, AI კომპანიის უახლესი დაფინანსების რაუნდისთვის განაცხადები მომდევნო 48 საათის განმავლობაში წარმოადგინონ. რაუნდი, რომელიც დაახლოებით $50 მილიარდს შეადგენს, სავარაუდოდ, ორ კვირაში დაიხურება.
Anthropic დაახლოებით $900 მილიარდის შეფასებას მიზნავს. თუმცა, ინვესტორების მხრიდან კომპანიის წილის მოპოვებაზე მზარდი მოთხოვნის ფონზე, საბოლოო შეფასებამ შესაძლოა ამ მაჩვენებელს გადააჭარბოს. Anthropic-მა კომენტარზე უარი განაცხადა.
მიუხედავად მაღალი მოთხოვნისა, ზოგიერთი ადრეული ინვესტორი ამ რაუნდს ტოვებს და წილის რეალიზებას წლის ბოლოს დაგეგმილი IPO-ს დროს ამჯობინებს. კომპანია სავარაუდოდ ბოლო კერძო რაუნდს ატარებს, რათა საჯარო კომპანიად გადაქცევამდე თავისი მასშტაბური გამოთვლითი საჭიროებები დააფინანსოს.
მიმდინარე თვეში Anthropic-მა განაცხადა, რომ მისმა წლიურმა შემოსავალმა (revenue run rate) $30 მილიარდს გადააჭარბა, თუმცა კომპანიის ფინანსებთან დაახლოებული პირების თქმით, რეალური მაჩვენებელი უფრო $40 მილიარდთანაა ახლოს.
კომპანიამ წინა რაუნდი თებერვალში, $380 მილიარდიანი შეფასებით ჩაატარა. $900-მილიარდიანი ნიშნულით Anthropic არა მხოლოდ გააორმაგებს თავის შეფასებას, არამედ გაუსწრებს მთავარ კონკურენტს - OpenAI-ს.
წყარო: techcrunch.com
