Napster-ის თანადამფუძნებელი შონ პარკერი მუსიკალურ ინდუსტრიას უბრუნდება, თუმცა ამჯერად სრულიად განსხვავებული მიდგომით. პარკერი აღიარებს, რომ წარსულში „ნებართვის ნაცვლად პატიების თხოვნის“ სტრატეგიამ არ გაამართლა, ამიტომ ახლა ის წესების დაცვით მოქმედებს.
ორი წლის წინ პარკერმა მონაწილეობა მიიღო Stability AI-ს 80-მილიონიან ფინანსურ მხარდაჭერაში. კომპანია, რომელიც გამოსახულების გენერირების ტექნოლოგიებითაა ცნობილი, დამფუძნებელ ემად მოსტაკის წასვლისა და შიდა კრიზისის შემდეგ კოლაფსის პირას იყო. დღეს, პარკერი და კომპანიის ახალი CEO პრემ აკარაჯუ, Stability AI-ს სტრატეგიას ცვლიან და მას მუსიკალური პროფესიონალებისთვის მთავარ AI ინსტრუმენტად აქცევენ.
აგვისტოს ბოლოს კომპანიამ 76 მილიონი დოლარის ინვესტიცია მოიზიდა ისეთი გიგანტებისგან, როგორებიცაა Sony, Warner და Universal. გარიგების ფარგლებში, მუსიკალურმა ლეიბლებმა საკუთარი კატალოგები AI-ს გაწვრთნისთვის ლიცენზირების საფუძველზე დათმეს. Stability AI-მ უკვე გამოუშვა სამი ახალი აუდიო მოდელი და მუსიკის რედაქტირების პროგრამული უზრუნველყოფა. სისტემას შეუძლია ტექსტური მოთხოვნის საფუძველზე შექმნას როგორც სრული ინსტრუმენტული კომპოზიციები, ისე მოკლე ფრაგმენტები. პარკერის თქმით, უახლოესი განახლება მომხმარებლებს საშუალებას მისცემს, მელოდია ან რიტმი ხმით (humming/beatboxing) დააფიქსირონ, რასაც AI მუსიკალურ ტრეკად გარდაქმნის.
წყარო: techcrunch.com
