სარისკო კაპიტალის ფონდი Chemistry, რომელიც ორი წლის წინ Bessemer-ის, Index Ventures-ისა და Andreessen Horowitz-ის ყოფილმა თანამშრომლებმა დააარსეს, SEC-ის დოკუმენტების თანახმად, მეორე ფონდისთვის 500 მილიონი დოლარის მოზიდვას გეგმავს.
მარკ გოლდბერგის, ითან კურცვაილისა და კრისტინა შენის მიერ დაარსებულმა Chemistry-მ თავდაპირველად 350 მილიონი დოლარის კაპიტალით დაიწყო ოპერირება. ფონდი აქცენტს აკეთებს ადრეული ეტაპის სტარტაპებზე, რომლებიც AI-ს მიმართულებით მუშაობენ, მათ შორის ინფრასტრუქტურულ და აპლიკაციურ გადაწყვეტილებებზე. ფონდის პორტფოლიოში ისეთი კომპანიები შედიან, როგორებიცაა Granola, Decagon, Persona, Serval და Nova Intelligence.
დამფუძნებელმა გუნდმა Chemistry სწორედ იმ მიზნით შექმნა, რომ გაეერთიანებინათ მსხვილ სარისკო კაპიტალის ფირმებში მიღებული მრავალწლიანი გამოცდილება. The Wall Street Journal-ის ცნობით, მეორე ფონდზე მოთხოვნა უკვე არსებულ ლიმიტს აღემატება და ფონდის მოზიდვის პროცესი უახლოეს პერიოდში დასრულდება.
წყარო: techcrunch.com
