აზიის წინსვლა ფიზიკური AI-ს მიმართულებით იმავე საწარმოო ძლიერებას ეფუძნება, რამაც რეგიონი გლობალურ ინდუსტრიულ ცენტრად აქცია. სამხრეთ კორეაში, იაპონიაში, ჩინეთსა და ტაივანში წარმოება ეკონომიკური ზრდის მთავარ საყრდენად რჩება. სწორედ ეს სტრუქტურული საფუძველი განსაზღვრავს ხელოვნური ინტელექტის დანერგვის ტემპებსა და საინვესტიციო ნაკადებს.
განსაკუთრებით მნიშვნელოვანია, რომ Config-მა, სეულსა და სან-ხოსეში დაფუძნებულმა startup-მა, რომელიც რობოტიკის საბაზისო მოდელებისთვის (RFMs) მონაცემთა ფენას ქმნის, სამხრეთ კორეის უმსხვილესი მწარმოებლებისგან სოლიდური დაფინანსება მოიზიდა.
Samsung Venture Investment-მა უხელმძღვანელა $27-მილიონიან seed რაუნდს, რომელშიც კომპანია $200 მილიონზე მეტად შეფასდა. ჯამში, Config-ს $35 მილიონი აქვს მოზიდული. სტრატეგიული ინვესტორების სახით რაუნდში ასევე ჩაერთნენ Hyundai Motor-ის ვენჩურული ფონდი ZER01NE Ventures, LG Technology Ventures და SKT America. სხვა ინვესტორებს შორის არიან პიტერ აბილი (Covariant-ის თანადამფუძნებელი) და ვენჩურული ფონდები, როგორიცაა Mirae Asset Ventures და Kakao Ventures.
Config 2025 წლის იანვარში მინჯუნ სეომ (Meta-ს ყოფილი მკვლევარი და TwelveLabs-ის მთავარი მეცნიერი) და კიდევ სამმა თანადამფუძნებელმა (Waymo, Google, Naver) შექმნეს. იმის ნაცვლად, რომ თავად აწარმოონ რობოტები, გუნდი ფოკუსირებულია რობოტების სწავლებისა და ფუნქციონირებისთვის საჭირო მონაცემების მიწოდებაზე.
როგორც სეო აღნიშნავს, დიდი ენობრივი მოდელების (LLMs) დატრენინგება ძირითადად გამოთვლით სიმძლავრეებთან არის დაკავშირებული, ხოლო ტექსტური მასალა ინტერნეტში მარტივად მოიპოვება. თუმცა, რობოტებისთვის მოძრაობის სწავლება გაცილებით რთული და ძვირადღირებულია, რადგან თითოეული ტრენინგ-მონაცემი ფიზიკურად უნდა შეგროვდეს.
Config-ს სურს გახდეს კომპანია, რომელიც სხვებს AI რობოტების შექმნას გაუმარტივებს. Startup-ს თავისი როლი ტაივანურ TSMC-სთან მიმართებაში შემოაქვს, რომელიც ჩიპებს Apple-ისა და Nvidia-სთვის აწარმოებს მათთან კონკურენციის გარეშე. Config უკვე იღებს შემოსავალს მსხვილი მწარმოებლებისგან, სისტემური ინტეგრატორებისგან და სოფლის მეურნეობისა თუ თავდაცვის სექტორის კომპანიებისგან.
სეულსა და ჰანოიში თითქმის 300 თანამშრომელი მონაცემთა წარმოებაზე მუშაობს. დღეისათვის მათ 100,000 საათზე მეტი ადამიანის მოძრაობის მონაცემები აქვთ შეგროვებული, რაც დაახლოებით 30-ჯერ აღემატება ყველაზე დიდ ღია წყაროს (open source) ბაზას.
„მონაცემები უნდა გარდაიქმნას და არა თავად მოდელი. ეს ტექნოლოგია Config-ის მთავარი უპირატესობაა,“ — აცხადებს სეო. მოზიდული დაფინანსება ვიეტნამსა და სეულში მონაცემთა ბაზის 1 მილიონ საათამდე გაზრდას, 2027 წლისთვის ARR-ის $10 მილიონამდე აყვანასა და cloud-ზე დაფუძნებული RaaS (robot-as-a-service) პროდუქტის გაშვებას მოხმარდება.
წყარო: techcrunch.com
