Hachette Book Group-მა განაცხადა, რომ აღარ გამოსცემს რომანს სახელწოდებით „Shy Girl“, რადგან არსებობს ეჭვი, რომ ტექსტის შესაქმნელად ხელოვნური ინტელექტი (AI) იქნა გამოყენებული.
რომანის გამოცემა შეერთებულ შტატებში ამ გაზაფხულზე იგეგმებოდა. Hachette-ის თქმით, წიგნის გაყიდვები შეწყდება გაერთიანებულ სამეფოშიც, სადაც ის უკვე ხელმისაწვდომია.
მიუხედავად იმისა, რომ გამომცემლობის განცხადებით გადაწყვეტილება ტექსტის საფუძვლიანი შესწავლის შემდეგ მიიღეს, GoodReads-ისა და YouTube-ის მიმოხილველები მანამდეც ვარაუდობდნენ, რომ წიგნი სავარაუდოდ AI-ის მიერ იყო გენერირებული. გარდა ამისა, The New York Times-მა Hachette-ს „Shy Girl“-თან დაკავშირებული ეჭვების შესახებ განცხადების გამოქვეყნებამდე ერთი დღით ადრე მიმართა.
NYT-ისთვის გაგზავნილ ელექტრონულ წერილში, ავტორმა Mia Ballard-მა უარყო რომანის დასაწერად AI-ის გამოყენება და ამაში დაადანაშაულა ნაცნობი, რომელიც „Shy Girl“-ის ორიგინალური, თვითგამოცემული ვერსიის რედაქტირებისთვის დაიქირავა. Ballard-ის თქმით, იგი აპირებს სამართლებრივი ზომების მიღებას. მან ასევე აღნიშნა, რომ ამ სკანდალის გამო მისი ფსიქიკური ჯანმრთელობა სავალალო მდგომარეობაშია და მისი რეპუტაცია განადგურდა იმის გამო, რაც პირადად არ გაუკეთებია.
მწერალმა Lincoln Michel-მა და ინდუსტრიის სხვა დამკვირვებლებმა აღნიშნეს, რომ აშშ-ის გამომცემლები იშვიათად აკეთებენ ვრცელ რედაქტირებას, როდესაც იძენენ ისეთ წიგნებზე უფლებებს, რომლებიც უკვე გამოცემულია სხვა ფორმით.
წყარო: techcrunch.com
