AI ომის აღზევება ყველაზე დიდ მორალურ და პრაქტიკულ კითხვას ბადებს: ვის ან რას აქვს ადამიანის სიცოცხლის ხელყოფის გადაწყვეტილების მიღების უფლება? 2018 წელს, Google-ის 3,000-ზე მეტმა თანამშრომელმა გააპროტესტა კომპანიის ჩართულობა Project Maven-ში, პენტაგონის ინიციატივაში, რომელიც კომპიუტერულ ხედვას დრონების ვიდეომასალის გასაანალიზებლად იყენებდა. მათ ეშინოდათ, რომ AI სამიზნეების გასანადგურებლად იქნებოდა გამოყენებული.
ეს ზუსტად ასე მოხდა. დღეს, ინსტრუმენტი სახელად Maven Smart System, აქტიურად გამოიყენება აშშ-ის სამხედრო ოპერაციებში. პენტაგონის უმაღლესი ეშელონების სკეპტიციზმიდან AI-ის მორწმუნეებად ტრანსფორმაცია საზღვაო ქვეითთა პოლკოვნიკს, Drew Cukor-ს უკავშირდება.
სკეპტიციზმიდან მიღებამდე
თავდაპირველად, ვიცე-ადმირალი Frank “Trey” Whitworth ეჭვქვეშ აყენებდა Project Maven-ის მიზანშეწონილობას და შიშობდა, რომ ის არღვევდა სამიზნის შერჩევის წესებს. თუმცა, დროთა განმავლობაში, მისი პოზიცია რადიკალურად შეიცვალა. Palantir-ის მიერ შექმნილი პლატფორმა, რომელიც ბრძოლის ველის მონაცემებს ციფრულ რუკაზე აერთიანებს და AI-ს დახმარებით სამიზნეებს ამოიცნობს, Whitworth-ისთვის შეუცვლელი გახდა.
დღეს NGA (National Geospatial-Intelligence Agency), რომელსაც Whitworth ხელმძღვანელობს, Project Maven-ის მთავარი მამოძრავებელი ძალაა. პროგრამამ მოიპოვა მასშტაბური კონტრაქტები, მათ შორის 1.3 მილიარდი დოლარის ღირებულების შეთანხმება პენტაგონთან. აღსანიშნავია, რომ სისტემის შეძენით NATO-ს ქვეყნები და დიდი ბრიტანეთიც არიან დაინტერესებულნი.
AI ბრძოლის ველზე
2023 წლის 7 ოქტომბრის შემდეგ, CENTCOM-მა ახლო აღმოსავლეთში Maven Smart System-ის გამოყენება გაააქტიურა. გენერალ Erik Kurilla-ს ხელმძღვანელობით, სარდლობამ AI გამოიყენა იემენში, ერაყსა და სირიაში სამიზნეების, მათ შორის სარაკეტო დანადგარების იდენტიფიცირებისთვის. სისტემაში ინტეგრირებულია 179 სხვადასხვა მონაცემთა წყარო (ხმელეთიდან, ზღვიდან, ჰაერიდან, კოსმოსიდან და კიბერსივრციდან).
ოპერატორები იყენებენ Palantir-ის Target Workbench-ს, რათა დაადასტურონ ან უარყონ სამიზნეები და განსაზღვრონ მათი პრიორიტეტულობა. ომი ახლა იქცა პროცესად, სადაც AI და ღრუბლოვანი (cloud) ტექნოლოგიები წამებში წყვეტენ ურთულეს ამოცანებს, რაც კიდევ ერთხელ ადასტურებს, რომ მომავლის კონფლიქტებს ალგორითმები მართავენ.
წყარო: wired.com
