დეკემბერში აშშ-ის ფედერალურმა კომუნიკაციების კომისიამ (FCC) აკრძალა უცხოეთში წარმოებული დრონების იმპორტი შეერთებულ შტატებში. ახლა FCC-მ იგივე გადაწყვეტილება მიიღო სამომხმარებლო ქსელურ მოწყობილობებთან დაკავშირებით და მიზეზად "აშშ-ის ეროვნული უსაფრთხოებისა და ამერიკელების დაცულობისთვის მიუღებელი რისკი" დაასახელა.
თუ თქვენ უკვე გაქვთ Wi-Fi ან სადენიანი როუტერი, შეგიძლიათ გააგრძელოთ მისი გამოყენება. ასევე, კომპანიებს, რომლებსაც უკვე აქვთ FCC-ის ავტორიზაცია კონკრეტულ უცხოურ პროდუქტზე, შეეძლებათ მისი იმპორტი.
თუმცა, რადგან სამომხმარებლო როუტერების აბსოლუტური უმრავლესობა აშშ-ის საზღვრებს გარეთ იწარმოება, მომავალი როუტერების უმეტესობა ახლა აკრძალულია. FCC უცხოეთში წარმოებულ სამომხმარებლო როუტერებს თავის Covered List-ში ამატებს და აღარ გასცემს მათზე რადიოავტორიზაციას, რაც ფაქტობრივად ახალი მოწყობილობების იმპორტის აკრძალვას ნიშნავს.
ახლა როუტერების მწარმოებლებმა უნდა მოიპოვონ "პირობითი თანხმობა", რომელიც მათ საშუალებას მისცემს შეიტანონ ახალი პროდუქტები აშშ-ში, სანამ დაარწმუნებენ მთავრობას, რომ წარმოებას აშშ-ში გადმოიტანენ, ან უარი უნდა თქვან აშშ-ის ბაზარზე მომავალი პროდუქტების გაყიდვაზე.
როგორც უცხოური დრონების აკრძალვის შემთხვევაში, FCC ეყრდნობა ეროვნული უსაფრთხოების დოკუმენტს, სადაც ნათქვამია, რომ "საზღვარგარეთ წარმოებული როუტერების მიერ აშშ-ის ბაზრის დომინირება ქმნის მიუღებელ ეკონომიკურ, ეროვნულ და კიბერუსაფრთხოების რისკებს".
მიუხედავად იმისა, რომ როუტერებში მრავალი მოწყვლადობა არსებობს, რაც მათ ჰაკერების სამიზნედ აქცევს, უცნობია, როგორ გახდის უბრალოდ წარმოების აშშ-ში გადატანა მათ უფრო უსაფრთხოს. Volt Typhoon-ის კიბერთავდასხმის დროს, ჩინელმა ჰაკერებმა ძირითადად მიზანში ამოიღეს ამერიკული კომპანიების, Cisco-ს და Netgear-ის როუტერები.
TP-Link-ის სპიკერის განცხადებით: "პრაქტიკულად ყველა როუტერი მზადდება აშშ-ის გარეთ... როგორც ჩანს, მთელი როუტერების ინდუსტრია დაზარალდება FCC-ის ამ განცხადებით ახალი მოწყობილობების შესახებ."
წყარო: theverge.com
