ტეხასის შტატში წარდგენილი დოკუმენტების თანახმად, Tesla ჰიუსტონიდან სამხრეთ-დასავლეთით, 45 წუთის სავალზე, მზის პანელების მასშტაბური ქარხნის აშენებას გეგმავს. პროექტი, სახელწოდებით Project Crystal Sun, შესაძლოა 10.1 მილიარდი დოლარი დაჯდეს.
Tesla-მ ხარჯების ნაწილობრივ დასაფარად საგადასახადო შეღავათებზე განაცხადი უკვე შეიტანა და აღნიშნა, რომ კომპანია აშშ-ის სხვა შტატებშიც განიხილავს ალტერნატიულ ლოკაციებს. კომპანიის გათვლებით, ქარხანა დაახლოებით 9,700 სრულ განაკვეთზე დასაქმებულ ადამიანს მიიღებს.
დოკუმენტების მიხედვით, შეღავათების გარეშე, პროექტის ქონების გადასახადმა 37 წლის განმავლობაში შესაძლოა 1.1 მილიარდი დოლარი შეადგინოს. მშენებლობის დაწყება მიმდინარე წელს იგეგმება, ხოლო დასრულება — 2028 წლისთვის. პირველი მზის პანელები საწარმოო ხაზიდან 2029 წელს უნდა გამოვიდეს.
ჯერჯერობით უცნობია, იქნება თუ არა პანელები განკუთვნილი მიწისზედა ინსტალაციებისთვის თუ კოსმოსური მიზნებისთვის. თუმცა, Tesla-ს აღმასრულებელი დირექტორი ილონ მასკი, რომელიც ასევე SpaceX-ს ხელმძღვანელობს, ორბიტალური მონაცემთა ცენტრების განვითარების აქტიური მხარდამჭერია. Tesla-ს გეგმების თანახმად, 2028 წლისთვის კომპანიას აშშ-ში 100 გიგავატის სიმძლავრის საწარმოო ბაზა უნდა ჰქონდეს.
წყარო: techcrunch.com
