SpaceX, Elon Musk-ის კოსმოსური კომპანია, რომელიც ასევე მოიცავს მის AI კომპანია xAI-ს, განიხილავს თავდაპირველად 55 მილიარდი დოლარის ინვესტირებას ტეხასში ნახევარგამტარების ქარხნის ასაშენებლად.
კომპანიის შეფასებით, პროექტზე ჯამში 119 მილიარდი დოლარი შეიძლება დაიხარჯოს. ეს იქნება მრავალფაზიანი, შემდეგი თაობის, ვერტიკალურად ინტეგრირებული ნახევარგამტარების საწარმო.
Musk-ის თქმით, პროექტში სახელწოდებით Terafab, Tesla-ც მიიღებს მონაწილეობას. კომპანიებმა ჩართეს ჩიპების გიგანტი Intel-იც, რათა შექმნან ჩიპები AI სერვერებისთვის, სატელიტებისთვის, SpaceX-ის კოსმოსური მონაცემთა ცენტრისთვის, ასევე Tesla-ს ავტონომიური მანქანებისა და რობოტებისთვის.
Musk აღნიშნავს, რომ არსებული მწარმოებლები საკმარისად სწრაფად ვერ ქმნიან ჩიპებს ხელოვნური ინტელექტისა და რობოტიკის საჭიროებებისთვის. მისი თქმით, ტეხასის ლოკაცია განსახილველი ვარიანტებიდან მხოლოდ ერთ-ერთია.
ეს ნაბიჯი ემთხვევა Musk-ის ძალისხმევას, უზრუნველყოს xAI საკმარისი გამოთვლითი სიმძლავრით Grok AI მოდელებისთვის. გაერთიანებული xAI და SpaceX, რომლის ღირებულება 1.25 ტრილიონ დოლარად ფასდება, სავარაუდოდ ივნისში გავა ბირჟაზე.
წყარო: techcrunch.com
