საიდუმლო არ არის, რომ AI მონაცემთა ცენტრები ენერგოქსელს გადატვირთავს. თუმცა, Silicon Valley აქამდე შედარებით დაცული იყო ამ პრობლემისგან, რადგან მიწისა და ელექტროენერგიის მაღალი ფასების გამო ჰაიპერსქეილერების პროექტებმა სხვა რეგიონებში გადაინაცვლა.
მიუხედავად ამისა, ტექნოლოგიური ელიტა მალე იგრძნობს ენერგეტიკულ კრიზისს. Bay Area-ს პოპულარულ დასასვენებელ ზონას, Lake Tahoe-ს, ერთ წელზე ნაკლები დარჩა ახალი ენერგომომწოდებლის მოსაძებნად.
2027 წლის მაისისთვის Liberty Utilities-ისა და NV Energy-ის ხელშეკრულების ვადა იწურება. NV Energy-ის ელექტროენერგია ნევადის სხვა რეგიონებში გადამისამართდება, სადაც მონაცემთა ცენტრების ბუმია.
მიუხედავად იმისა, რომ ორივე კომპანია ამტკიცებს, თითქოს ეს პროცესი დიდი ხნის დაგეგმილი იყო და მონაცემთა ცენტრები არაფერ შუაშია, რეალობა სხვაგვარია. NV Energy-ის 22 გიგავატზე მეტი დატვირთვის მოთხოვნა აქვს, რაც, Bloomberg-ის შეფასებით, 40-ჯერ აღემატება Lake Tahoe-ს მაქსიმალურ მოხმარებას.
მონაცემთა ცენტრები მზად არიან, ნებისმიერი ფასი გადაიხადონ ელექტროენერგიაში, რის გამოც Lake Tahoe-ს ტრადიციული მომხმარებლები ენერგიის გარეშე რჩებიან. ვითარებას ართულებს ისიც, რომ რეგიონის ელექტროქსელები უფრო მეტად ნევადის ქსელთანაა დაკავშირებული, ვიდრე კალიფორნიის.
კონკურენცია მაღალია სხვა შტატებშიც, მაგალითად, Utah-ში ახლახან დაამტკიცეს მონაცემთა ცენტრის მეგაპროექტი, რომელმაც შესაძლოა 9 გიგავატი ელექტროენერგია მოიხმაროს (შტატის ამჟამინდელი მოხმარება 4 გიგავატია). ასეთი მასშტაბის მოთხოვნა მთელ დასავლეთ რეგიონში ფასების ზრდას გამოიწვევს.
შედეგად, Lake Tahoe-ში ელექტროენერგია, სავარაუდოდ, მნიშვნელოვნად გაძვირდება. AI ენერგოკრიზისის მთავარი უსამართლობა ის არის, რომ ყველაზე მეტად ის ადამიანები ზარალდებიან, ვისაც ამ ტექნოლოგიის განვითარებაზე არანაირი გავლენა არ ჰქონია.
წყარო: techcrunch.com
