NextSlide-მა ოფიციალურად დაადასტურა, რომ კომპანია OpenAI-ს შეუერთდა. სტარტაპის გუნდი უკვე მუშაობს ChatGPT-ის პროექტებზე.
NextSlide-ის დამფუძნებლის, აჰმედ ბეშრის განცხადებით, მათი პროდუქტი მომხმარებელს საშუალებას აძლევდა, მარტივი პრომპტების, ჩანაწერების, დოკუმენტებისა და კვლევების საფუძველზე შეექმნა დახვეწილი და რედაქტირებადი პრეზენტაციები. ბეშრის თქმით, მათი მიზანი ვიზუალური კომუნიკაციის გამარტივება და იდეების მკაფიოდ გადმოცემა იყო. OpenAI-ში გაერთიანებით, გუნდი აგრძელებს იმავე მისიის შესრულებას — AI პროდუქტების შექმნას, რომლებიც ადამიანებს იდეების რეალიზებასა და ეფექტურ კომუნიკაციაში ეხმარება.
გარიგების ფინანსური დეტალები არ გასაჯაროებულა. LinkedIn-ზე გამოქვეყნებულ პოსტში ბეშრიმ აღნიშნა, რომ შენაძენი მიმდინარე წლის დასაწყისში განხორციელდა. აჰმედ ბეშრი მანამდე Caper AI-ის თანადამფუძნებელი იყო, რომელიც 2021 წელს Instacart-მა შეიძინა.
წყარო: techcrunch.com
