iOS 27-ის გამოსვლასთან ერთად, Apple წარმოადგენს ახალ ფუნქციას - iPhone Handoff, რომელიც მომხმარებლებს საშუალებას მისცემს, ერთი და იგივე ტელეფონის ნომერი ორ სხვადასხვა მოწყობილობაზე გამოიყენონ. ფუნქციის შესახებ პირველად WWDC-ის კონფერენციაზე გახდა ცნობილი, თუმცა დეტალები მხოლოდ ახლა, Xcode 27-ის Device Hub-ში გამოჩნდა.
ახალი შესაძლებლობა მომხმარებლებს საშუალებას აძლევს, დააწყვილონ ორი iPhone, სადაც ერთი იქნება მთავარი, ხოლო მეორე - „თანმხლები“ (companion) მოწყობილობა. ეს ინოვაცია განსაკუთრებით აქტუალურია მოსალოდნელი დასაკეცი iPhone Ultra-ს კონტექსტში. ბევრ მომხმარებელს შესაძლოა არ სურდეს ძვირადღირებული და მასიური მოწყობილობის ყოველდღიურად ტარება, ამიტომ Handoff მათ საშუალებას მისცემს, საჭიროებისამებრ გადაერთონ უფრო კომპაქტურ და პრაქტიკულ სმარტფონზე.
აღსანიშნავია, რომ ფუნქციის მუშაობა დამოკიდებულია მობილური ოპერატორების მხარდაჭერაზე. კოდში უკვე დაფიქსირდა T-Mobile US-ისა და Telekom.de-ს ხსენება, თუმცა სხვა ოპერატორების ჩართულობის შესახებ ინფორმაცია ჯერჯერობით უცნობია.
წყარო: theverge.com
