გეოთერმული ენერგიის კომპანია Fervo-მ მორიგი სტრატეგიული წარმატება მოიპოვა: Google-მა იუტას შტატში დაგეგმილი ახალი მონაცემთა ცენტრის ენერგომომარაგებისთვის თითქმის ნახევარი გიგავატი ელექტროენერგიის შესყიდვაზე თანხმობა განაცხადა.
ხელშეკრულების თანახმად, Google 396 მეგავატს შეიძენს Fervo-ს Cape Station-ის ელექტროსადგურიდან, რომელიც ექსპლუატაციაში 2028 წელს შევა. კომპანიას ასევე აქვს ოფცია, 2030 წლის ივნისამდე დამატებით 600 მეგავატი ენერგია შეისყიდოს. ეს გარიგება იმ ფონზე შედგა, როდესაც ტექნოლოგიური გიგანტები აქტიურად ეძებენ ენერგიის ახალ, მდგრად წყაროებს.
Google-ისთვის ეს ნაბიჯი გადამწყვეტია ხელოვნური ინტელექტის (AI) ამბიციების განსახორციელებლად ისე, რომ არ დაირღვეს კომპანიის მიერ აღებული ვალდებულება — 2030 წლისთვის მიაღწიოს ნულოვან ემისიას. მიუხედავად იმისა, რომ აპრილში Google-მა ბუნებრივი აირის გამოყენებაზეც გააფორმა ხელშეკრულება, Fervo-სთან თანამშრომლობა სუფთა ენერგიის სტრატეგიის გაძლიერებას ემსახურება.
Fervo-ს ტექნოლოგია საშუალებას იძლევა, დედამიწის სიღრმიდან უფრო ეფექტურად იქნას მიღებული სითბური ენერგია. ექსპერტების შეფასებით, თუ Cape Station-ის პოტენციალი სრულად აითვისება, ეს აშშ-ის მასშტაბით გეოთერმული გენერაციის სიმძლავრეს გააორმაგებს. Google-ისა და Fervo-ს პარტნიორობა ხუთ წელზე მეტს ითვლის და ეს გარიგება კიდევ უფრო ამყარებს მათ კავშირს, რაც ბაზარზეც პოზიტიურად აისახა — ახალი ამბის გავრცელების შემდეგ Fervo-ს აქციების ღირებულება 30%-ით გაიზარდა.
წყარო: techcrunch.com
