Google-მა თავისი საბიუჯეტო AI სააბონენტო გეგმის ფასი მნიშვნელოვნად შეამცირა, რითაც განვითარებად ბაზრებზე დაწყებული ფასების ომი აშშ-ის ბაზარზეც გადაიტანა. კომპანიამ Google AI Plus-ის ყოველთვიური ღირებულება 7.99 დოლარიდან 4.99 დოლარამდე შეამცირა, ხოლო მეხსიერების მოცულობა 200-დან 400 გიგაბაიტამდე გაზარდა.
Google AI Plus, რომელიც იანვარში ჩაეშვა, ორიენტირებულია ინდივიდუალურ მომხმარებლებსა და სტუდენტებზე. პაკეტი მოიცავს ისეთ ფუნქციებს, როგორიცაა ვიდეო გენერაცია Omni Flash-ის მეშვეობით, შემოქმედებითი სტუდია Google Flow და კვლევითი ასისტენტი NotebookLM.
Goodwater Capital-ის თანადამფუძნებლის, ჩი-ჰუა ჩიენის თქმით, ეს ნაბიჯი AI ინფრასტრუქტურის „კომოდიტიზაციის“ ეპოქის დასაწყისია. ჩიენი აღნიშნავს, რომ Google-ის ვერტიკალური ინტეგრაცია და მასშტაბური დისტრიბუცია ზეწოლას მოახდენს ისეთ კომპანიებზე, როგორებიც არიან OpenAI და Anthropic. ისტორიული პარალელების მიხედვით, ტექნოლოგიური ცვლილებების დროს ინფრასტრუქტურული მოთამაშეები ხშირად კარგავენ პრემიალურ ღირებულებას, რადგან მომხმარებლისთვის მთავარი ხდება სერვისის მაქსიმალურად დაბალ ფასად მიღება.
ეს კონკურენცია განსაკუთრებით მნიშვნელოვანია იმ ფონზე, როდესაც OpenAI და Anthropic საჯარო შეთავაზებისთვის (IPO) ემზადებიან. მიუხედავად იმისა, რომ ინდოეთის ბაზარზე მსგავსი სტრატეგიები უკვე დიდი ხანია მოქმედებს, Google-ის მიერ აშშ-ში ფასების შემცირება მიანიშნებს, რომ ბაზრის წილისთვის ბრძოლა ახალ, უფრო აგრესიულ ფაზაში შედის.
წყარო: techcrunch.com
