Google-მა დროებით შეაჩერა თავისი ღია კოდის პროგრამული უზრუნველყოფის დაუცველობის აღმოჩენის ჯილდოების პროგრამა (Open Source Software Vulnerability Rewards Program). კომპანიის განცხადებით, გადაწყვეტილება მიღებულია ხელოვნური ინტელექტის (AI) გამოყენებით შექმნილი რეპორტების მკვეთრი ზრდის გამო.
პროგრამა, რომელიც მკვლევრებს Google-ის ღია კოდის პროექტებში ხარვეზების აღმოჩენისთვის აჯილდოებდა, 1 ოქტომბრიდან ოფიციალურად შეჩერებულია. კომპანია განახლებულ ინფორმაციას 2027 წლის პირველ კვარტალში დაპირდა. როგორც ცნობილია, Google-ის ინჟინრები და პროგრამული უზრუნველყოფის მენეჯერები გადაიტვირთნენ ისეთი შეტყობინებებით, რომლებიც ან არასწორი იყო, ან AI-ის მიერ გენერირებულ ჰალუცინაციებს შეიცავდა.
კომპანიის ოფიციალურ განცხადებაში ნათქვამია: „პაუზა გამოწვეულია ავტომატიზებული რეპორტების მნიშვნელოვანი ზრდით, რომელთა აბსოლუტური უმრავლესობა არასწორია“. აღსანიშნავია, რომ კიბერუსაფრთხოების ექსპერტები ჯერ კიდევ გასულ წელს აფრთხილებდნენ ტექნოლოგიურ გიგანტებს, რომ AI-ის მიერ გენერირებული დაბალი ხარისხის კონტენტი სერიოზულ საფრთხეს შეუქმნიდა Bug Bounty პროგრამების ეფექტიანობას.
ამ ეტაპზე, უსაფრთხოების მკვლევრებს შეუძლიათ ყურადღება გადაიტანონ Google-ის სხვა აქტიურ პროგრამებზე, რომლებიც კვლავ აგრძელებენ ფუნქციონირებას.
წყარო: techcrunch.com
