Google-ის ენერგომოწყურებული მონაცემთა ცენტრები ბირთვულ ენერგიაზე გადადის

Google-მა ხელი მოაწერა 20-წლიან შეთანხმებას აშშ-ის წამყვან ბირთვული ენერგიის ოპერატორთან, Constellation-თან. გარიგების მიზანია არსებული ატომური ელექტროსადგურების მოდერნიზაცია, რაც ტექნოლოგიურ გიგანტს მონაცემთა ცენტრების მზარდი ენერგომოხმარების დაკმაყოფილებაში დაეხმარება. ინვესტიციის მოცულობა 4.3 მილიარდ დოლარს აღემატება.

მომდევნო ხუთი წლის განმავლობაში, კომპანიები გეგმავენ 11 რეაქტორის განახლებას ილინოისის, პენსილვანიისა და ნიუ-ჯერსის შტატებში. ეს პროექტი ჯამში 890 მეგავატით გაზრდის ბირთვული ენერგიის გამომუშავებას, რაც ერთი დიდი ან სამი მცირე მოდულური რეაქტორის სიმძლავრის ტოლფასია. აღნიშნული ობიექტები დაკავშირებულია PJM Interconnection-ის ქსელთან, რომელიც აშშ-ის უდიდესი ენერგოსისტემაა და მონაცემთა ცენტრების უდიდეს ჰაბს ემსახურება.

ეს ნაბიჯი გადაიდგა იმ ფონზე, როდესაც AI-ტექნოლოგიების განვითარებამ ელექტროენერგიაზე მოთხოვნა მკვეთრად გაზარდა, რამაც PJM-ის ქსელში სერიოზული დატვირთვა და ფასების ზრდა გამოიწვია. Google-ის მონაცემებით, გასულ წელს კომპანიის ნახშირბადის ემისიები 18%-ით, ხოლო ელექტროენერგიის მოხმარება 37%-ით გაიზარდა. ბირთვულ ენერგიაზე ფოკუსირებით, Google ცდილობს დააბალანსოს ენერგოეფექტურობა და მდგრადი განვითარების მიზნები.

წყარო: theverge.com